وفاقی وزیرِ داخلہ محسن نقوی نال چین دے سفیر جیانگ زی ڈونگ دی ملاقات

اسلام آباد۔ 5 فروری (اے پی پی) وفاقی وزیرِ داخلہ محسن نقوی نال چین دے سفیر جیانگ زی ڈونگملین۔ انہاں بلوچستان اچ حالیہ دہشت گرد حملیاں دی مذمت کریندے ہوئے متاثرہ خانداناں نال ہمدردی کیتی اتے پرچاوݨی ݙتی۔ ملاقات اچ انسدادِ دہشت گردی سودھا داخلی سلامتی اتے سکیورٹی تعاون تے ڳالھ مہاڑ تھئی جݙاں جو انٹیلی جنس شیئرنگ اتے سائبر کرائمز دے شعبیاں اچ تعاون ودھاوݨ تے اتفاق کیتا گیا۔ چینی سفیر آکھیا جو ایں ݙکھ اچ پاکستان دے نال ہیں، چین ہر قسم دی دہشت گردی دی مذمت کریندے اتے اساں دہشت گردی دے خلاف جنگ اچ پاکستان دے نال مضبوطی نال کھڑے ہیں۔ وزیرِ داخلہ محسن نقوی یکجہتی کرݨ تے چینی سفیر دا شکریہ ادا کیتا۔ انہاں انسداد دہشتگردی آپریشنز اتے چینی شہریاں اتے انہاں دے پراجیکٹس دی حفاظت بارے اقدامات دی تفصیل ݙسائی جو چینی شہریاں اتے پراجیکٹس کوں مکمل سیکورٹی ݙتی ویندی پئی اے جیندے کیتے سپیشل پروٹیکشن یونٹ ٻݨایا ویندا پئے، پاک چین دوستی کوں دشمن کہیں صورت نقصان نئیں پچا سڳدا۔ انہاں پاک چین سٹریٹجک شراکت داری کوں مضبوط بݨاوݨ دا عزم دوہرایا۔