سکیورٹی فورسز دیاں خیبر پختونخوا اچ 2 مختلف کارروائیاں، بھارتی پراکسی نال جڑے 24 خوارجی جہنم واصل، آئی ایس پی آر

راولپنڈی۔ 6 فروری(اے پی پی) سکیورٹی فورسز خیبر پختونخوا اچ 2 مختلف کارروائیاں اچ بھارتی پراکسی نال جڑے 24 خارجیاں کوں جہنم واصل کر ݙتے۔ آئی ایس پی آر دے مطابق 4 اتے 5 فروری 2026 کوں خوارج دی موجودگی دی اطلاع تے سکیورٹی فورسز ضلع اورکزئی اچ انٹیلی جنس دی بنیاد تے آپریشن کیتا۔ آپریشن اچ سکیورٹی فورسز خوارج دے ٹھکاݨے کوں مؤثر طریقے نال نشانہ ٻݨایا اتے شدید فائرنگ دے تبادلے دے بعد 14 خوارج واصلِ جہنم تھئے۔ سکیورٹی فورسز ݙوجھا انٹیلی جنس آپریشن ضلع خیبر اچ کیتا گیا۔ ایں کارروائی اچ وی فائرنگ دے تبادلے اچ ٻئے 10 خوارج کوں جہنم واصل کر ݙتا گیا۔ علاقے اچ موجود کہیں وی ٻئے بھارتی سرپرستی یافتہ خارجی دے خاتمے کیتے کلیئرنس آپریشنز جاری ہن۔