وزیر داخلہ محسن نقوی دی دبئی اچ ورلڈ گورنمنٹس سمٹ اچ شرکت، یو اے ای تے روانڈا دے ہم منصباں نال ملاقاتاں

دبئی۔ 6 فروری (اے پی پی) وفاقی وزیر داخلہ محسن نقوی دبئی اچ ورلڈ گورنمنٹس سمٹ اچ شرکت کیتی جتھاں انہاں یو اے ای اتے روانڈا دے ہم منصباں نال اہم ملاقاتاں کیتن۔ انہاں یو اے ای دے نائب وزیراعظم اتے وزیر داخلہ لیفٹیننٹ جنرل شیخ سیف بن زید النہیان نال ملاقات اچ ݙوہیں ملکاں دے تعلقات کوں ٻیا تکڑا ٻݨاوݨ اتے آن لائن دہشت گردی و ٹیرر فنانسنگ دی روکݨ کیتے مشترکہ حکمتِ عملی بݨاوݨ تے اتفاق کیتے۔ انہاں روانڈا دے وزیر داخلہ ڈاکٹر ونسنٹ بیروٹا نال وی ملاقات کیتی۔