پاکستان اتے ازبکستان دا 2029 تئیں تجارتی حجم ݙو ارب ڈالر تئیں ودھاوݨ دا عزم، مشترکہ اعلامیہ

اسلام آباد۔ 6 فروری(اے پی پی) پاکستان اتے ازبکستان 2029 تئیں باہمی تجارت دا حجم ݙو ارب ڈالر تئیں ودھاوݨ دا عزم دوہرائے۔ ازبکستان دے صدر شوکت مرزائیوف دے دورہ پاکستان دے حوالے نال جاری مشترکہ اعلامیے دے مطابق، ݙوہیں ملکاں “اعلیٰ سطح سٹریٹجک تعاون کونسل” دے قیام کوں ہک اہم سنگِ میل قرار ݙتے۔ اعلامیے اچ ازبکستان-افغانستان-پاکستان ریلوے منصوبے دی تیکھے تکمیل دی خواہش ݙسیندے افغانستان تے زور ݙتا ڳئے جو او اپݨی سرزمین توں دہشت گردی دا خاتمہ کرے تاں جو علاقائی سلامتی یقینی ٻݨے۔ وزیراعظم شہباز شریف اتے صدر شوکت مرزائیوف تجارت، ثقافت، سیاحت اتے عوامی رابطیاں کوں ودھاوݨ تے اتفاق کیتے۔ ݙوہیں رہنماواں براہِ راست پروازاں دے آغاز تے میڈیا دے اداریاں (اے پی پی تے ازبکستان ٹی وی) وچال تعاون کوں وی سراہیا۔ ازبکستان 2025-26 کیتے سلامتی کونسل اچ پاکستان دے کردار دی تعریف کیتی اے۔