سعودی حج ویزہ کیتے 8 فروری بائیو میٹرک کرواوݨ دا چھیکڑی ݙینہہ اے، وزارت مذہبی امور

اسلام آباد۔ 8 فروری(اے پی پی) وزارتِ مذہبی امور دے ترجمان آکھیے جو سعودی حج ویزہ کیتے بائیو میٹرک کرواوݨ دا 8 فروری کوں چھیکڑی ݙینہہ اے۔ حج ویزہ کیتے 8 فروری تئیں بائیو میٹرک کرواوݨ لازمی اے۔ جاری بیان دے مطابق، عازمینِ حج گھر بیٹھے “سعودی ویزہ بائیو ایپ” دے ذریعے بائیو میٹرک مکمل کر سڳسن۔ عازمین دی سہولت کیتے سعودی تاشیر سینٹر سویلے 9 توں شام 5 وڄے تئیں کھلیے رہین۔ ترجمان آکھیے جو بائیو میٹرک دے بغیر حج ویزہ نئیں مل سڳدا، ایں کیتے عازمین پریشانی توں بچݨ کیتے اے عمل مکمل کرن۔ بائیو میٹرک تھیوݨ دے بعد تصدیقی ای میل دا پرنٹ وی اپݨے کولو محفوظ رکھݨا ضروری اے۔