دبئی۔ 8 فروری(اے پی پی)چیئرمین سینیٹ سید یوسف رضا گیلانی آکھیے جو عالمی سطح تے امن، ڳالھ مہاڑ اتے ہک ٻئے تے اعتماد ودھاوݨ کیتے پارلیمان دا کردار ݙاݙھا ضروری اے۔ او دبئی اچ جمہوریہ مالدووا دے پاکستان کیتے اعزازی قونصل سید کاشف علی دی تقرری دی تقریب اچ بطور مہمانِ خصوصی خطاب کریندے پئے ہن۔ چیئرمین سینیٹ سید کاشف علی کوں مبارکباد ݙیندے ہوئے آکھیے جو پاکستان اچ مالدووا …
پارلیمان عالمی امن اتے اعتماد ودھاوݨ کیتے اہم کردار ادا کریندن، سید یوسف رضا گیلانی
مزید خبراں
دبئی۔ 8 فروری(اے پی پی)چیئرمین سینیٹ سید یوسف رضا گیلانی آکھیے جو عالمی سطح تے امن، ڳالھ مہاڑ اتے ہک ٻئے تے اعتماد ودھاوݨ کیتے پارلیمان دا کردار ݙاݙھا ضروری اے۔ او دبئی اچ جمہوریہ مالدووا دے پاکستان کیتے اعزازی قونصل سید کاشف علی دی تقرری دی تقریب اچ بطور مہمانِ خصوصی خطاب کریندے پئے ہن۔ چیئرمین سینیٹ سید کاشف علی کوں مبارکباد ݙیندے ہوئے آکھیے جو پاکستان اچ مالدووا دے اعزازی قونصل خانے دا قیام ݙوہیں ملکاں وچال سفارتی اتے معاشی تعلقات کوں نویں بلندی تے قھن ویسی۔ یوسف رضا گیلانی زراعت، دفاع، صحت اتے آئی ٹی دے شعبیاں اچ مالدووا نال تعاون ودھاوݨ دے عزم دوہرایا۔ انہاں انٹر پارلیمنٹری اسپیکرز کانفرنس (ISC) دے کردار کوں وی اجاگر کیتا اتے آکھیا جو پارلیمانی سفارت کاری عالمی تنازعیاں دے حل اتے طویل المدتی تعاون کیتے ہک بہترین پلیٹ فارم اے۔ تقریب دے چھیکڑ اچ امید کیتی ڳئی جو اے نواں قونصل خانہ ڈوہیں ملکاں وچال دوستی دا پل ثابت تھیسی۔
