رقمی اسلامک بینک کوں ڈیجیٹل بینکنگ کیتے لائسنس دا اجراء، پاکستان اچ بینکاری دے شعبے کوں فروغ ملسی، پاکستان تے کویت دے تعلقات کوں سرمایہ کاری، تجارت تے معاشی تعاون اچ تبدیل کرݨے، وزیراعظم شہباز شریف

اسلام آباد۔ 10 فروری (اے پی پی) وزیراعظم محمد شہباز شریف پاکستان تے کویت دے سیاسی تعلقات کوں سرمایہ کاری، تجارت تے معاشی تعاون اچ تبدیل کرݨ دی لوڑھ تے زور ڈیندیں ہوئیں آکھیا جو ڈوہیں ملکاں دے ݙہاکیاں تے محیط برادرانہ تعلقات ہن، ترقی تے خوشحالی دے مشترکہ اہداف کوں عملی شکل ڈیوݨ کیتے پرعزم ہیسے۔ اے ڳالھیں انہاں منگل کوں اتھاں رقمی اسلامک بینک کوں ڈیجیٹل لائسنس دے اجراء دی تقریب نال خطاب کریندیں ہوئیں کیتا۔ وزیراعظم لائسنس دے اجراء تے رقمی بورڈ دے چیئرمین تے متعلقہ حکام کوں مبارکباد ݙتی۔ انھاں آکھیا جو رقمی بینک کوں ڈیجیٹل بینکنگ کیتے لائسنس دا اجراء پاکستان-کویت تعلقات کیتے ٻہوں اہم اے، ایندے نال پاکستان اچ بینکاری دے شعبے کوں فروغ ملسی، سیاسی تعلقات کوں معاشی تعاون اچ تبدیل کرݨا اہمیت رکھیندے۔ انھاں آکھیا جو پاکستان تے کویت دے تعلقات کوں سرمایہ کاری، تجارت تے معاشی تعاون اچ تبدیل کرݨا اے، اقتصادی شراکت داری کیتے کویتی قیادت نال مل کراہیں اڳوں ودھݨ کیتے پرعزم ہیسے، ترقی تے خوشحالی دے مشترکہ اہداف کوں عملی شکل ڈیوݨ کیتے پرعزم ہیسے۔ سی ای او رقمی اسلامک بینک عمیر اعجاز آکھیا جو شرعی اصولاں دے مطابق بینکاری دا فروغ رقمی بینک دا عزم اے، رقمی ڈیجیٹل بینکنگ پاکستان اچ کیش لیس معیشت دی طرف اہم پیشرفت اے، رقمی بینک کوں تجارتی سرگرمیاں کیتے لائسنس ملݨ اہم سنگِ میل اے، تمام شعبہ زندگی دی مالیاتی نظام اچ شمولیت کیتے پرعزم ہیسے، تمام شعبہ زندگی دی ترقی کیتے مواقع فراہم کرݨا ترجیح تھیسی۔ چیئرمین رقمی بورڈ عبداللہ مطیری آکھیا جو رقمی ڈیجیٹل بینک کوں تجارتی سرگرمیاں کیتے لائسنس دا اجراء تاریخی لمحہ اے، اے قدم پاکستان تے کویت دے درمیان قریبی تعلقات دا وی عکاس اے، ترقی تے خوشحالی دے مشترکہ اہداف کیتے مل کراہیں کم کرݨ کیتے پرعزم ہیسے، پاکستان تے کویت وچال قریبی برادرانہ تعلقات ہن۔ انھاں آکھیا جو ڈوہیں ملکاں دے درمیان سیاسی تعلقات کوں معاشی ترقی کیتے ورتݨ اے، پاکستان سرمایہ کاری کیتے ٻہوں اہم ملک اے، رقمی بینک دا آغاز پاکستان دے شاندار معاشی مستقبل تے اعتماد دا مظہر اے۔ تقریب اچ وزیراعظم چیئرمین رقمی بورڈ عبداللہ مطیری کوں رقمی اسلامک بینک کیتے ڈیجیٹل لائسنس ڈتا۔