اسلام آباد۔ 11 فروری(اے پی پی) وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نال پاکستان اچ جمہوریہ قازقستان دے سفیر یرژان کستافین ملین۔ ملاقات اچ سفیر جمہوریہ قازقستان دے صدر دے حالیہ دورہِ پاکستان دے موقع تے شاندار میزبانی تے حکومتِ پاکستان دا شکریہ ادا کیتا۔ سفیر وفاقی وزیر کوں آوݨ والے اپریل اچ آستانہ، قازقستان اچ تھیوݨ والے علاقائی ماحولیاتی سربراہ اجلاس اچ …
وفاقی وزیر برائے موسمیاتی تبدیلی ڈاکٹر مصدق ملک نال قازقستان دے سفیر دی ملاقات
مزید خبراں
اسلام آباد۔ 11 فروری(اے پی پی) وفاقی وزیر برائے موسمیاتی تبدیلی و ماحولیاتی ہم آہنگی ڈاکٹر مصدق ملک نال پاکستان اچ جمہوریہ قازقستان دے سفیر یرژان کستافین ملین۔ ملاقات اچ سفیر جمہوریہ قازقستان دے صدر دے حالیہ دورہِ پاکستان دے موقع تے شاندار میزبانی تے حکومتِ پاکستان دا شکریہ ادا کیتا۔ سفیر وفاقی وزیر کوں آوݨ والے اپریل اچ آستانہ، قازقستان اچ تھیوݨ والے علاقائی ماحولیاتی سربراہ اجلاس اچ شرکت دی دعوت وی ݙتی۔ ایں موقع تے وفاقی وزیر ڈاکٹر مصدق ملک دعوت دا خیر مقدم کریندے آکھیا جو پاکستان اتے قازقستان وچال تاریخی اتے ثقافتی رابطے موجود ہن ڄیکوں ٻیا مضبوط کرݨ دی لوڑھ اے۔ انھاں زور ݙتا جو ݙوہیں ملک ہک ٻئے دے تجربات توں ٻہوں کڄھ سکھ سڳدن۔ ملاقات اچ مصنوعی ذہانت، فنانشل ٹیکنالوجی (فن ٹیک) اتے ای-گورننس دے شعبیاں اچ ممکنہ مشترکہ منصوبیاں اتے تعاون دے امکانات دا جائزہ وی ڳھدا گیا۔ پاݨی دی قلت اتے موسمیاتی تبدیلی ڄھیں اہم معاملیاں تے وی ڳالھ مہاڑ کیتی گئی۔
