اے پی پی اچ کوئی مستقل بھرتی کائنی تھئی، پیشہ ورانہ ضرورت کیتے عارضی ملازم رکھین، وفاقی وزیر ڈاکٹر طارق فضل چوہدری دا جواب

اسلام آباد۔ 11 فروری (اے پی پی) وفاقی وزیر برائے پارلیمانی امور ڈاکٹر طارق فضل چوہدری آکھیا جو اے پی پی اچ کوئی مستقل بھرتی کائنی تھئی، پیشہ ورانہ ضروریات پوریاں کرݨ کیتے بورڈ آف ڈائریکٹرز ولوں ݙتے گئے اختیارات دے مطابق عارضی بھرتیاں تھین، اے بھرتیاں منظور شدہ آسامیاں دے اندر رہندیں ہوئیں کیتی ڳئں۔ او بدھ کوں قومی اسمبلی دے اجلاس اچ وقفہ سوالات دے دوران گالھ مہاڑ کریندے پئے ہن۔ وفاقی وزیر ڈاکٹر طارق فضل چوہدری آکھیا جو وزارتِ اطلاعات تے نشریات ولوں تحریری جواب ݙے ݙتا گئے۔ وزارت دے جواب اچ ݙسایا گیا جو آڈیٹر جنرل دی رپورٹ اچ مالی بے ضابطگیاں تے 20 جعلی بھرتیاں دی نشاندہی تے اے پی پی انتظامیہ فوری کارروائی کیتی اے۔ حقائق معلوم کرݨ آلی کمیٹی دی سفارشات تے انھاں معاملیاں کوں ایف آئی اے دے حوالے کر ݙتا گئے جیندے اچ تفتیش تے ریکوری دا عمل جاری اے۔ اے اقدامات ادارے اچ احتساب کوں یقینی بݨاوݨ کیتے چاتے گئن۔ تحریری جواب اچ اے وی ݙسایا گیا جو قیمتی تکنیکی آلات دے تحفظ کیتے سابقہ پراجیکٹ دے تربیت یافتہ عملے کوں ٹیسٹ تے انٹرویو دے ذریعے گھٹ تنخواہ تے ولا رکھیا گئے تانجو قومی خزانے تے اضافی بوجھ نہ پووے۔