وزیراعظم شہباز شریف دی پاکستان کوں کامن ویلتھ ایکسس ٹو جسٹس انوویشن ایوارڈ 2026 ملݨ تے وزارتِ قانون تے انصاف کوں مبارکباد

اسلام آباد۔ 11 فروری (اے پی پی) وزیراعظم محمد شہباز شریف دولتِ مشترکہ دے وزرائے قانون دے اجلاس اچ پاکستان کوں کامن ویلتھ ایکسس ٹو جسٹس انوویشن ایوارڈ 2026 حاصل کرݨ تے وزارتِ قانون تے انصاف کوں مبارکباد ڈیندیں ہوئیاں آکھیا جو اے ایوارڈ پاکستان ولوں انصاف تئیں رسائی کوں ٻیا موثر بݨاوݨ تے قانونی شعبے اچ ڈیجیٹل جدت کوں فروغ ڈیوݨ دی کوششاں دا عالمی سطح تے اعتراف اے۔ بدھ کوں وزیراعظم آفس دے میڈیا ونگ توں جاری بیان دے مطابق وزیراعظم وفاقی وزیرِ قانون و انصاف سینیٹر اعظم نذیر تارڑ تے وفاقی سیکرٹری وزارتِ قانون و انصاف راجہ نعیم اکبر دی قیادت اچ انصاف دی فراہمی دے حوالے نال ڈیجیٹل اصلاحات تے انقلابی اقدامات کوں سراہندیں ہوئیں آکھیا جو اے کامیابی وزیرِ قانون اعظم نذیر تارڑ دی قیادت اچ انھاں دی ٹیم دی غیر معمولی کوششاں دا نتیجہ اے۔ انھاں آکھیا جو ایں طرح دی کامیابیاں پاکستان دے بین الاقوامی وقار اچ اضافہ کریندن اتے عوامی اداریاں دی جدید خطوط تے بہتری کیتے حکومت دے عزم دی عکاسی کریندن۔ دولتِ مشترکہ دے سارے 56 رکن ملکاں دے وفود دی موجودگی اچ اے اعزاز پاکستان کیتے عالمی سطح تے ہک وݙی کامیابی اے۔