وفاقی وزیر جام کمال خان تے کمبوڈیا دی وزیرِ تجارت چام نیمول نسٹ تے نیشنل سائنس اینڈ ٹیکنالوجی پارک دا دورہ کیتا

اسلام آباد۔ 12 فروری (اے پی پی) وفاقی وزیرِ تجارت جام کمال خان تے کمبوڈیا دی وزیرِ تجارت چام نیمول خمیس کوں نیشنل یونیورسٹی آف سائنسز اینڈ ٹیکنالوجی (نسٹ) تے نیشنل سائنس اینڈ ٹیکنالوجی پارک (این ایس ٹی پی) دا دورہ کیتا تانجو ٹیکنالوجی، اختراعی تحقیق تے صنعت اچ ݙوپاسہ تعاون کوں مضبوط بݨاوݨ دے راہ لبھے ون٘ڄ سگن۔ وفد دا استقبال ایئر مارشل (ر) رضوان اتے نسٹ دی سینئر انتظامیہ کیتا جنھاں ݙوہیں وزراء کوں یونیورسٹی دے اکیڈمیا-انڈسٹری-حکومت دے تعاون دے مربوط ماڈل دے بارے اچ ݙسایا۔ قیادت ہک جامع اختراعی ماحولیاتی نظام دی تعمیر دا نسٹ دا وژن پیش کیتا جیہڑا تعلیم تے صنعتی شراکت کوں ہک فریم ورک دے تحت جوڑدے۔ این ایس ٹی پی دے دورے دے دوران وفد کوں مصنوعی ذہانت، سیمی کنڈکٹر ڈیزائن، سمارٹ سٹی ٹیکنالوجیز، روبوٹکس تے ڈیجیٹل انفراسٹرکچر دے منصوبیاں بارے تفصیلی پریزنٹیشن ڈتی گئی۔ وزراء کوں مقامی ضروریات دے مطابق تیار کیتے گئے چپ ڈیزائن تے مصنوعی ذہانت نال چلݨ آلے آلات اچ پاکستان دی ودھدی ہوئی صلاحیت دے بارے اچ ݙسایا گیا۔وفاقی وزیر جام کمال خان نسٹ دی ٹیکنالوجی اچ جدت کوں سراہیا اتے آکھیا جو تجارتی سفارت کاری دا مستقبل ٹیکنالوجی نال جڑیا ہوئے، پاکستان کوں صرف ہک تجارتی ملک کائنی بلکہ ٹیکنالوجی پیدا کرݨ آلی معیشت دے طور تے آپݨا مقام حاصل کرݨا چاہیدے۔ کمبوڈیا دی وزیرِ تجارت چام نیمول پاکستان دے سٹرکچرڈ انوویشن ماڈل دی تعریف کیتی تے اینکوں متاثر کن قرار ݙتا۔ انھاں ڈیجیٹل انفراسٹرکچر تے ٹیکنالوجی دی منتقلی اچ تعاون ودھاوݨ اچ گہری دلچسپی دا اظہار کیتا۔ وفد جدید لیبارٹریز دا دورہ وی کیتا تے ٹیموں دے تیار کردہ سیمی کنڈکٹر پروجیکٹس دا مشاہدہ کیتا۔