وزیراعظم دی ہدایت تے نیٹ میٹرنگ دے حوالے نال فصیلیاں تے عمل درآمد روک ݙتا ڳئے، وزیرِ توانائی

اسلام آباد۔ 12 فروری (اے پی پی) وفاقی وزیرِ توانائی سردار اویس احمد خان لغاری آکھیا جو وزیراعظم دی ہدایت تے نیٹ میٹرنگ دے حوالے نال فصیلیاں تے عمل درآمد روک ݙتا گئے۔ سولر دی مجموعی 20 توں 22 ہزار میگاواٹ پیداوار اچوں تقریباً 6 توں 7 ہزار میگاواٹ نیٹ میٹرنگ نظام نال منسلک اے، جیندے قیمتاں دا نظام معقول تے منصفانہ ہووݨا چاہیدے۔ خمیس کوں قومی اسمبلی اچ نیٹ میٹرنگ بارے توجہ مبذول نوٹس تے وفاقی وزیر اویس لغاری ایوان کوں ݙسایا جو پچھلے کئی ڈینہ توں سوشل میڈیا تے ایں حوالے نال بحث تھیندی پئی اے۔ سینیٹ اچ ہک قرارداد وی پیش تھئی ہئی جینکوں ایوان مسترد کر تے اساݙے موقف کوں درست تسلیم کیتے۔ انھاں آکھیا جو 2017 اچ نیٹ میٹرنگ دا نظام شروع تھیا ہئی اتے ریگولیٹرز چار پنج واری ایندے اچ تبدیلیاں کیتن۔ لوکاں ایں گالھ تے تنقید کیتی جو اے عوام دے مفاد اچ کائنی۔ وفاقی وزیر آکھیا جو پورے پاکستان اچ ایں وقت سولر دا کل حجم 20 توں 22 ہزار میگاواٹ اے، جیندے اچوں صرف 8 توں 10 فیصد نیٹ میٹرنگ نال جڑیا ہوئے۔ انھاں آکھیا جو وزیراعظم دی ہدایت تے نیٹ میٹرنگ دے فصیلیاں کوں روکا گئے اتے ہک مہینے اچ ریگولیٹرز کوں اپیل تھیسی۔ اساݙے ساݙھے ترائے کروڑ صارفین تے ساݙھے چار لکھ لوکاں دا بوجھ کائنی پاوݨا چاہیدا۔ اویس لغاری ٻیا آکھیا جو بجلی چوری دے خلاف کارروائی تے ریکوری اچ بہتری آئی اے اتے صارفین دے بوجھ اچ 197 ارب روپے دی ڳھٹکی کیتی گئی اے۔