بانی پی ٹی آئی دے گھر آلیاں نال جیل اچ ناروا سلوک دا کوڑا بیانیہ مک ڳئے، رپورٹ سارے ابہام مکا چھوڑین، عطاء اللہ تارڑ

اسلام آباد۔12 فروری(اے پی پی) وفاقی وزیر اطلاعات و نشریات عطاء اللہ تارڑ آکھیے جو علیمہ خان اتے بانی پی ٹی آئی دے ٻئے گھر آلیاں ولوں بانی پی ٹی آئی نال جیل اچ مبینہ سختی اتے نامناسب حالات بارے کھنݙایا ڳیا جعلی بیانیہ اڄ مُک ڳئے۔ خمیس کوں سماجی رابطے دے پلیٹ فارم “ایکس” تے ہک پوسٹ اچ انہاں آکھیے جو روز دے معمولات اتے ڈائٹ پلان بارے رپورٹ اچ رہݨ سہݨ اتے کھاوݨ پیوݨ دی تفصیلات سارے شک دور کر ݙتن۔ انہاں آکھیے جو بانی چیئرمین کوں ساریاں سہولتاں ملدیان پئن اتے انہاں کوں کہیں وی عام قیدی توں ودھ مراعات حاصل ہن۔