ڈاکٹر طارق فضل چوہدری دی الیکٹرو آپٹیکل سیٹلائٹ EO-2 دی کامیاب لانچنگ تے سپارکو کوں مبارکباد

اسلام آباد۔12 فروری(اے پی پی)وفاقی وزیر پارلیمانی امور ڈاکٹر طارق فضل چوہدری پاکستان دے ݙوجھے مقامی الیکٹرو آپٹیکل سیٹلائٹ EO-2 دی کامیاب لانچنگ تے پاکستان اسپیس اینڈ اپر ایٹموسفیئر ریسرچ کمیشن (سپارکو) کوں مبارکباد ݙیندے آکھیے جو اے شاندار کامیابی پاکستان دی خلائی صلاحیتاں، تکنیکی ترقی اتے سائنسی ایجادات کوں مضبوط بݨاوݨ اچ ہک ٻیا سنگِ میل اے۔ “ایکس” تے آپݨے سنیہے اچ انہاں آکھیے جو ساݙے سائنسداناں اتے انجینئراں دی محنت واقعی تعریف دے لائق اے، جیڑھی جو تحقیق، موسم دی نگرانی، زراعت اتے قومی ترقی کیتے نویں رستے کھولیندی پئی اے۔