وفاقی وزیرِ داخلہ محسن نقوی دا اسلام آباد ماڈل جیل تے نیشنل پولیس اکیڈمی دا دورہ، منصوبیاں دی جلد تکمیل دی ہدایت

اسلام آباد۔ 13 فروری (اے پی پی) وفاقی وزیرِ داخلہ محسن نقوی اسلام آباد ماڈل جیل تے نیشنل پولیس اکیڈمی اچ زیرِ تعمیر ہاسٹل دا تفصیلی دورہ کیتا اتے تعمیراتی کم دی پیشرفت دا جائزہ گھدا۔ ایں موقع تے انھاں ہدایت کیتی جو منصوبیاں دی جلد تکمیل کیتے کم کوں ڈبل شفٹ اچ کیتا ون٘ڄے۔ وزیرِ داخلہ کوں بریفنگ اچ ڈسایا گیا جو اسلام آباد ماڈل جیل دا منصوبہ جیہڑا 2011 توں رکیا ہویا ہئی، ہݨ تیزی نال مکمل تھیندا پئے۔ پچھلے ہک سال اچ غیر معمولی ترقی دے بعد فیز ون دا 85 فیصد کم مکمل تھی ڳئے اتے انشاء اللہ اگلے ڈوہیں مہینیاں اچ جیل فنکشنل کر ݙتی ویسی۔ محسن نقوی بیرکس دا معائنہ کریندیں ہوئیاں تعمیراتی معیار تے اطمینان دا اظہار کیتا۔ انھاں آکھیا جو اسلام آباد اچ جدید ماڈل جیل دا قیام سکیورٹی دے حوالے نال ٻہوں ضروری اے۔ بریفنگ اچ ڈسایا گیا جو جیل اچ سکیورٹی کیتے ڈوہیں حفاظتی دیواراں بݨائی ویندیاں پئن اتے مانیٹرنگ کیتے ہک مرکزی کنٹرول روم وی بݨایا ویسی۔ ایندے بعد وزیرِ داخلہ نیشنل پولیس اکیڈمی اچ ہاسٹل دا دورہ وی کیتا اتے پولیس افسراں کیتے بݨائے گئے ماڈل روم دا معائنہ کیتا۔ انھاں آکھیا جو جدید انفراسٹرکچر نال پولیس دی تربیت دا معیار اچا تھیسی۔ دورے دے موقع تے چیف کمشنر محمد علی رندھاوا، آئی جی اسلام آباد علی ناصر رضوی اتے ڈی جی ایف آئی اے ڈاکٹر عثمان انور وی موجود ہن۔