حکومت ڈیجیٹل پاکستان دے وژن دے تحت میڈیا تے آئی ٹی دے شعبیاں اچ جدت کوں فروغ ݙیندی پئی اے، وزیراعظم شہباز شریف دا عالمی یومِ ریڈیو تے سنیھا

اسلام آباد۔ 13 فروری (اے پی پی) وزیراعظم محمد شہباز شریف آکھیا جو حکومت ڈیجیٹل پاکستان دے وژن دے تحت میڈیا تے آئی ٹی دے شعبیاں اچ جدت کوں فروغ ݙیندی پئی اے، سارے رَل تے عہد کروں جو ریڈیو سودھے سارے پاکستانی میڈیا کوں جدید تقاضیاں دے مطابق بݨیندے ہوئیاں اینکوں سچائی، ذمہ داری تے قومی یکجہتی دا مضبوط ذریعہ بݨیسوں۔ اے ڳالھیں انہاں جمعہ کوں وزیراعظم آفس دے میڈیا ونگ توں عالمی یومِ ریڈیو تے جاری سنیھے اچ آکھی۔ وزیراعظم آکھیا اے جو اڄ اساں عالمی برادری نال رل تے “عالمی یومِ ریڈیو” منیندے پئے ہیسے، قیامِ پاکستان دے بعد ریڈیو پاکستان ہک ایجھا طاقتور ذریعہ ابلاغ رہیے جئیں قوم کوں جوڑیا، شعور بیدار کیتا تے معلومات دی فراہمی کوں عام کیتا۔ انھاں آکھیا اے جو پاکستان اچ ریڈیو دی تاریخ ٻہوں روشن اے، خاص طور تے ملکی زرعی ترقی، ثقافتی فروغ تے عوامی آگاہی اچ ایندا کلیدی کردار اے۔ انھاں آکھیا اے جو اج ایں سال دے ریڈیو ڈے دا موضوع “ریڈیو تے مصنوعی ذہانت” اے، جیہڑا ایں گالھ دی عکاسی کریندے جو ٹیکنالوجی نال ابلاغ دا نظام ٻیا مؤثر بݨایا ون٘ڄ سگدے۔ وزیراعظم آکھیا اے جو حکومت میڈیا دے شعبے کوں عالمی معیار دے مطابق بݨاوݨ کیتے عملی اقدامات کریندی پئی اے۔