چیئرمین سینیٹ دا سابق رکنِ پنجاب اسمبلی زعیم قادری دے انتقال تے افسوس

اسلام آباد۔ 13 فروری (اے پی پی) چیئرمین سینیٹ سید یوسف رضا گیلانی سینئر سیاستدان تے سابق رکنِ پنجاب اسمبلی زعیم قادری دے انتقال تے افسوس کیتے۔ آپݨے تعزیتی بیان اچ چیئرمین سینیٹ آکھیا جو زعیم قادری ہک متحرک، اصول پسند تے واضح موقف رکھݨ آلے سیاستدان ہن، جنھاں عوامی مسائل کوں بھرپور انداز اچ اجاگر کیتا۔ انھاں دی سیاسی بصیرت تے عوامی رابطہ مہم ہمیشہ یاد رکھی ویسی۔ چیئرمین سینیٹ مرحوم دی سیاسی تے سماجی خدمات کوں خراجِ عقیدت پیش کریندیں ہوئیاں آکھیا جو انھاں دا انتقال ملکی سیاست کیتے ہک وݙا نقصان اے، جیندا خلا مدت تئیں پُر نئی تھی سگدا۔ انھاں مرحوم دے گھر آلیاں، عزیزاں تے کارکناں نال دلی ہمدردی تے تعزیت دا اظہار کیتا اتے دعا کیتی جو اللہ تعالیٰ مرحوم کوں آپݨی رحمت اچ ڄاہ عطا فرماوے اتے لواحقین کوں اے صدمہ برداشت کرݨ دی توفیق ڈیوے (آمین)۔