نائب وزیراعظم تے وزیرِ خارجہ سینیٹر محمد اسحاق ڈار دی زیرِ صدارت اجلاس، 9 ویں او آئی سی وزارتی کانفرنس برائے خواتین دی تیاریاں دا جائزہ گھدا گیا

اسلام آباد۔ 13 فروری (اے پی پی) نائب وزیراعظم تے وزیرِ خارجہ سینیٹر محمد اسحاق ڈار 2026 اچ پاکستان دی میزبانی اچ تھیوݨ آلی خواتین نال متعلق 9 ویں او آئی سی وزارتی کانفرنس دی تیاریاں دے حوالے نال جمعہ کوں اتھاں ہک جائزہ اجلاس دی صدارت کیتی۔ دفترِ خارجہ دے مطابق اجلاس اچ ہݨ تئیں دی پیشرفت دا جائزہ گھدا گیا اتے کانفرنس کوں کامیاب بݨاوݨ کیتے ویلھے تے رابطہ کاری دی اہمیت تے زور فتا گیا۔ نائب وزیراعظم ساری متعلقہ وزارتاں کوں ہدایت کیتی جو او او آئی سی سیکرٹریٹ نال قریبی تعاون کر تے انتظامی امور کوں حتمی شکل ݙیون۔ اجلاس اچ وفاقی وزیرِ قانون، وزیراعظم دے خصوصی معاون طارق باجوہ، سیکرٹری خارجہ آمنہ بلوچ تے ٻئے اعلیٰ حکام شرکت کیتی۔