پاک فضائیہ دے سربراہ ایئر چیف مارشل ظہیر احمد بابر سدھو دا دورہ انڈونیشیا؛ صدر پربوو سبیانتو نال ملاقات

اسلام آباد۔ 13 فروری(اے پی پی) پاک فضائیہ دے سربراہ ایئر چیف مارشل ظہیر احمد بابر سدھو اپݨے دورہ انڈونیشیا اچ انڈونیشئین صدر پربوو سبیانتو نال ملین۔ جکارتہ اچ تھیوݨ والی ایں ملاقات اچ سربراہ پاک فضائیہ پاکستان اتے انڈونیشیا وچال ݙاݙھے ڳھاٹے برادرانہ تعلقات کوں اڳنہا کیتے۔ انھاں خاص طور تے ٹریننگ، فضائی دفاع اتے دفاعی پیداوار اچ تعاون ودھ مضبوط بݨاوݨ دا عزم ݙکھایا۔ انڈونیشیا دے صدر پاک فضائیہ دی سائبر، سپیس اتے بغیر پائلٹ فضائی نظام (ڈروونز) اچ ترقی کوں سراہیا اتے آکھیا جو پاکستان دی ایرو سپیس صنعت اچ ترقی تعریف دے لائق اے۔ انھاں پاک فضائیہ دے جدید تربیتی نظام توں فائدہ چاوݨ اچ دلچسپی ݙکھائی۔ ایں توں پہلے ایئر چیف انڈونیشیا دے وزیرِ دفاع اتے عسکری قیادت نال وی ملاقاتاں کیتیاں جتھاں انھاں کوں گارڈ آف آنر پیش کیتا گیا۔ ملاقات دے اخیر اچ ایئر چیف مارشل ظہیر احمد بابر سدھو کوں انڈونیشیا دے اعلیٰ ترین فوجی اعزاز “میڈل آف آنر” نال نوازا گیا۔ اے دورہ ݙوہیں ملکاں دے عسکری تعلقات اچ ہک اہم سنگِ میل اے جیہڑا پائیدار دفاعی شراکت داری کوں مزید مضبوط کریسی۔