وزیراعظم شہباز شریف اتے اماراتی صدر شیخ محمد بن زاید النہیان دا فون تے رابطہ

اسلام آباد۔ 13 فروری(اے پی پی)وزیراعظم شہباز شریف متحدہ عرب امارات دے صدر اتے ابوظہبی دے حکمران شیخ محمد بن زاید النہیان نال ٹیلیفون تے ڳالھ مہاڑ کیتی اتے ݙوہاں رہنماواں ݙوباہمی مفاد تے مبنی تعاون ٻیا تکڑا کرݨ دا عزم دوہرایا ڄݙاں جو وزیراعظم محمد شہباز شریف اوکھے حالات اچ پاکستان دی مستقل اتے غیر متزلزل حمایت تے متحدہ عرب امارات دا شکریہ ادا کیتا۔ وزیراعظم آفس دے میڈیا ونگ ولوں جاری بیان دے مطابق وزیراعظم محمد شہباز شریف متحدہ عرب امارات دے صدر تے ابوظہبی دے حکمران شیخ محمد بن زاید النہیان نال ٹیلیفون تے گالھ مہاڑ کیتی۔ ݙوہیں رہنماواں پچھلے مہینے اسلام آباد اتے رحیم یار خان اچ تھیوݨ والی ملاقاتاں دا ذکر کیتا۔ وزیراعظم آکھیا جو اے تعاون ݙوہیں ملکاں دی قیادت اتے عوام وچال تاریخی اتے برادرانہ تعلقات دا مظہر اے۔ ݙوہیں قائدین باہمی دلچسپی دے ٻئے معاملیاں تے وی الایا اتے آپسی رابطے ودھاوݨ تے اتفاق کیتے۔