چیئرمین سینیٹ دی قیادت اچ پاکستانی پارلیمانی وفد دی صدرِ اقوامِ متحدہ جنرل اسمبلی نال ملاقات

اسلام آباد۔ 14 فروری (اے پی پی) پاکستان مسئلہ کشمیر دے حل تے دہشت گردی دے خلاف موثر اقدامات تے زور ڈیندیں ہوئیں آکھیا جو پاکستان ہمسایہ ملکاں نال دوستانہ تعلقات چاہندے۔ چیئرمین سینیٹ سید یوسف رضا گیلانی دی قیادت اچ وفد اقوامِ متحدہ دے ہیڈ کوارٹر اچ صدرِ جنرل اسمبلی اینالینا بیئربوک نال ملاقات کیتی۔ چیئرمین سینیٹ آکھیا جو کشمیر دا مسئلہ سلامتی کونسل دی قرارداداں دے مطابق حل کرݨا جنوبی ایشیا اچ امن کیتے ضروری اے۔ انھاں بھارت ولوں سندھ طاس معاہدے دی معطلی تے وی تشویش دا اظہار کیتا۔ یوسف رضا گیلانی ݙسایا جو ٹی ٹی پی تے ٻیاں دہشت گرد تنظیماں افغان سرزمیں کوں پاکستان دے خلاف استعمال کریندیاں پئن۔ صدرِ جنرل اسمبلی پاکستان اچ دہشت گردی دے واقعات تے افسوس دا اظہار کیتا اتے دہشت گردی دے خلاف مشترکہ جدوجہد تے زور ݙتا۔