فیلڈ مارشل سید عاصم منیر دا دورہ جرمنی ، میونخ سکیورٹی کانفرنس دے موقع تے عالمی رہنماواں نال ملاقاتاں ہن

راولپنڈی۔ 15 فروری (اے پی پی) چیف آف ڈیفنس فورسز تے چیف آف آرمی سٹاف فیلڈ مارشل سید عاصم منیر 12 توں 14 فروری تئیں جرمنی دا دورہ کیتا جتھاں انھاں 62 ویں میونخ سکیورٹی کانفرنس دے موقع تے تھیوݨ آلے اجلاس اچ شرکت کیتی ۔ آئی ایس پی آر ولوں جاری پریس ریلیز دے مطابق فیلڈ مارشل سید عاصم منیر دورے دے دوران کئی اہم شخصیات نال ملاقاتاں کیتی۔ انھاں امریکی وزیرِ خارجہ مارکو روبیو نال ملاقات کیتی اتے آپسی دلچسپی دے معاملیاں، خاص طور تے علاقائی سکیورٹی تے دہشت گردی دے خلاف تعاون تے ڳالھ کیتی۔ آئی ایس پی آر دے مطابق فیلڈ مارشل جرمنی دے وفاقی وزیرِ داخلہ، جرمن چانسلر دے ایڈوائزرز تے جرمن مسلح افواج دے چیف نال وی ملاقاتاں کیتیاں۔ ملاقاتاں دا مرکز سکیورٹی دے مسئلے، ڈوہیں ملکاں اچ دفاعی تعاون تے عالمی امن کوں فروغ ڈیوݨ ہئی۔ فیلڈ مارشل سید عاصم منیر برازیلین تے لبنانی مسلح افواج دے سربراہواں نال وی ملاقاتاں کیتیاں اتے دفاعی تعاون ودھاوݨ تے گالھ مہاڑ کیتی۔