وزیراعظم شہباز شریف دورہ آسٹریا دے دوران آپݨے آسٹرین ہم منصب نال ݙوپاسہ مذاکرات اچ شرکت کریسن، دفترِ خارجہ

اسلام آباد۔ 15 فروری (اے پی پی) وزیراعظم محمد شہباز شریف آسٹریا دے چانسلر کرسچیئن اسٹاکر دی دعوت تے 15 توں 16 فروری 2026 تئیں ویانا، آسٹریا دے سرکاری دورے تے ہن۔ انھاں دا اے دورہ ڈوہیں ملکاں دے درمیان سفارتی تعلقات دے 70 سال پورے تھیوݨ دی خوشی اچ اے۔ اتوار کوں دفترِ خارجہ ولوں جاری بیان دے مطابق وزیراعظم دے نال اعلیٰ سطح وفد اچ اسحاق ڈار، عطاء اللہ تارڑ، طارق فاطمی تے سیکرٹری خارجہ آمنہ بلوچ شامل ہن۔ دورے دے دوران وزیراعظم آپݨے آسٹرین ہم منصب نال ݙوپاسہ مذاکرات کریسن جیندے اچ ڈوہیں رہنما پاک آسٹریا تعلقات دے سارے پہلواں دا تفصیلی جائزہ گھنسن۔ وزیراعظم پاکستان-آسٹریا بزنس فورم دے اجلاس دی صدارت وی کریسن جیندے دا اہتمام آسٹرین اکنامک چیمبر کریندا پئے۔ وزیراعظم شہباز شریف دا اے دورہ ویانا پچھلے تریہہ سالاں توں ودھ عرصے اچ کہیں پاکستانی وزیراعظم دا پہلا دورہ اے، این توں پہلے 1992 اچ نواز شریف آسٹریا دا دورہ کیتا ہئی۔