وزیراعظم شہباز شریف ڈو ڈینہوار سرکاری دورے تے آسٹریا روانہ تھی گئن

لاہور۔ 15 فروری (اے پی پی) وزیراعظم محمد شہباز شریف آسٹریا دے چانسلر کرسچیئن اسٹاکر دی دعوت تے ڈو ڈینہوار سرکاری دورے تے ویانا، آسٹریا روانہ تھی گئن۔ نائب وزیراعظم تے وزیرِ خارجہ سینیٹر محمد اسحاق ڈار، وفاقی وزیرِ اطلاعات و نشریات عطاء اللہ تارڑ تے معاونِ خصوصی طارق فاطمی وزیراعظم دے نال پاکستانی وفد اچ شامل ہن۔ وزیراعظم آفس دے میڈیا ونگ ولوں اتوار کوں جاری بیان دے مطابق وزیراعظم ویانا اچ فیڈرل چانسلری اچ کرسچیئن اسٹاکر نال ݙوپاسہ تے وفود دی سطح تے ملاقات کریسن۔ وزیراعظم تے آسٹرین چانسلر ڈوہیں ملکاں دے درمیان سرمایہ کاری اچ اضافے کیتے وݙے کاروباری لوکاں دے اجلاس دی مشترکہ صدارت وی کریسن۔ ایندے بعد وزیراعظم پاکستان-آسٹریا بزنس فورم اچ شرکت کریسن اتے خطاب کریسن۔ وزیراعظم ویانا اچ اقوامِ متحدہ دے تحت منعقدہ ہک خصوصی تقریب اچ وی شرکت کریسن اتے خطاب کریسن۔ ایندے علاوہ او انٹرنیشنل اٹامک انرجی ایجنسی دے ڈائریکٹر جنرل نال وی ملاقات کریسن۔ بیان دے مطابق وزیراعظم دا آسٹریا دا سرکاری دورہ ݙوہیں ملکاں دے درمیان تعلقات اچ نویاں جہتاں پیدا کریسی۔