وفاقی وزیر برائے منصوبہ بندی تے ترقی احسن اقبال ڈھاکہ روانہ تھی گئن، نومنتخب بنگلہ دیشی وزیراعظم دی تقریبِ حلف برداری اچ پاکستان دی نمائندگی کریسن

اسلام آباد۔ 16 فروری (اے پی پی) وفاقی وزیر برائے منصوبہ بندی تے ترقی احسن اقبال ڈھاکہ روانہ تھی گئن۔ او وزیراعظم پاکستان دے غیر ملکی دورے دے پاروں بنگلہ دیش دے نو منتخب وزیراعظم دی تقریبِ حلف برداری اچ پاکستان دی نمائندگی کریسن۔ پلاننگ کمیشن دے مطابق وفاقی وزیر بنگلہ دیشی دارالحکومت اچ اعلیٰ حکام نال اہم ملاقاتاں وی کریسن۔ احسن اقبال دا آکھݨ اے جو ڈوہیں ملکاں دے دوستانہ تعلقات کوں ٻیا مضبوط کر تے سیاسی تے معاشی شعبیاں اچ ترقی دی نویاں راہواں بݨائی ون٘ڄ سگدن۔ انھاں ایں امید دا اظہار کیتا جو پاکستان تے بنگلہ دیش دے درمیان تعاون ودھݨ نال مستقبل اچ سیاسی تے اقتصادی ترقی دے روشن امکانات پیدا تھیسن۔