ویانا۔ 16 فروری (اے پی پی) وزیراعظم محمد شہباز شریف اتے آسٹریا دے چانسلر کرسچیئن سٹاکر ڈوہیں ملکاں دے درمیان تجارت، سرمایہ کاری، سیاحت، تعلیم، انفارمیشن ٹیکنالوجی، صحت تے انسانی وسائل دی ترقی سودھے مختلف شعبیاں اچ تعاون کوں ٻیا ودھاوݨ دا عزم کریندیں ہوئیں حکومتی تے کاروباری شعبیاں دی سطح تے موجودہ پلیٹ فارم کوں وسعت ڈیوݨ تے اتفاق کیتے۔ سنوار کوں وزیراعظم آفس دے میڈیا ونگ توں جاری …
وزیراعظم محمد شہباز شریف تے آسٹریا دے چانسلر دا تجارت، سرمایہ کاری، سیاحت، تعلیم، آئی ٹی تے صحت سودھے مختلف شعبیاں اچ تعاون کوں فروغ ڈیوݨ دا عزم
مزید خبراں
ویانا۔ 16 فروری (اے پی پی) وزیراعظم محمد شہباز شریف اتے آسٹریا دے چانسلر کرسچیئن سٹاکر ڈوہیں ملکاں دے درمیان تجارت، سرمایہ کاری، سیاحت، تعلیم، انفارمیشن ٹیکنالوجی، صحت تے انسانی وسائل دی ترقی سودھے مختلف شعبیاں اچ تعاون کوں ٻیا ودھاوݨ دا عزم کریندیں ہوئیں حکومتی تے کاروباری شعبیاں دی سطح تے موجودہ پلیٹ فارم کوں وسعت ڈیوݨ تے اتفاق کیتے۔ سنوار کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف ویانا اچ تاریخی ہوفبرگ پیلس اچ وفاقی چانسلری اچ جمہوریہ آسٹریا دے وفاقی چانسلر کرسچیئن سٹاکر نال ملاقات کیتی۔ وفاقی چانسلری پجݨ تے وزیراعظم دا چانسلر سٹاکر استقبال کیتا، انھاں کوں گارڈ آف آنر پیش کیتا گیا۔ وزیراعظم مہماناں دی کتاب اچ آپݨے تاثرات وی لکھے۔ بعد اچ ڈوہیں رہنماواں دے درمیان ملاقات تھئی جیندے بعد وفود دی سطح تے مذاکرات تھئے۔ مذاکرات اچ اسحاق ڈار، عطا اللہ تارڑ، طارق فاطمی تے آمنہ بلوچ وی شریک ہن۔ ݙوہیں رہنماواں آپسی تعلقات کوں ٻیا مضبوط بݨاوݨ کیتے مختلف شعبیاں اچ قریبی تعاون ودھاوݨ دا عزم کیتا۔ ایں سلسلے اچ زیرِ غور مفاہمتی یادداشتاں کوں جلدی حتمی شکل ڈیوݨ تے اتفاق تھیا۔ ملاقات اچ علاقائی تے عالمی صورتحال تے وی گالھ مہاڑ کیتی گئی اتے اقوامِ متحدہ دے مرکزی کردار تے اتفاق کیتا ڳیا۔ وزیراعظم آسٹریا دی کاروباری برادری کوں اپریل اچ اسلام آباد اچ تھیوݨ آلے یورپی یونین-پاکستان بزنس فورم اچ شرکت دی دعوت ݙتی۔ انھاں وفاقی چانسلر کوں پاکستان دے سرکاری دورے دی دعوت وی ݙتی۔
