پائیدار استحکام ہی ترقی، سرمایہ کاری تے کاروباری اعتماد دی اصل بنیاد اے، وفاقی وزیر منصوبہ بندی احسن اقبال دا ڈھاکہ ایوانِ تجارت و صنعت دے نال نشست توں خطاب

ڈھاکہ۔ 18 فروری (اے پی پی) وفاقی وزیرمنصوبہ بندی، ترقی و خصوصی اقدامات پروفیسر احسن اقبال آکھیے جو پائیدار استحکام ہی ترقی، سرمایہ کاری تے کاروباری اعتماد دی اصل بنیاد اے۔ ڈھاکہ ایوانِ تجارت و صنعت دے نال ہک نہایت بامعنی تے ݙو رس اہمیت دی حامل نشست تھئی اے جیندے وچ پاکستان تے بنگلہ دیش دے درمیان معاشی تعاون کوں مضبوط، فعال تے نتیجہ خیز شراکت داری وچ ڈھالݨ کیتے سنجیدہ تے جامع ڳالھ مہاڑ کیتی ڳئی۔وفاقی وزیر آکھیے جو انھاں وزیراعظم شہباز شریف دی طرفوں بنگلہ دیش دی جمہوری کامیابی تے دلی مبارکباد تے نیک تمناواں دا پیغام پڄائے تے ایں حقیقت تے زور ݙتے جو پائیدار استحکام ہی ترقی، سرمایہ کاری تے کاروباری اعتماد دی اصل بنیاد اے۔ انھاں ݙسایا اے جو ݙوہیں ملکاں وچال تجارت دے وسیع امکانات تے تفصیلی ڳالھ مہاڑ تھئی اے ایں گالھ کوں اجاگر کیتا ڳئے جو سانجھیاں منڈیاں عالمی مقابلے وچ نمایاں تے موثر کردار ادا کرسگدن۔ زرعی شعبہ، انفارمیشن ٹیکنالوجی، دوائیں بݨاوݨ، کپڑا سازی، بحری نقل و حمل تے سانجھے رابطیں  کوں ترجیحی شعبیں دے طور تے نمایاں کیتا ڳئے جِتھاں فوری تے عملی پیش رفت دی گنجائش موجود اے۔انھاں براہِ راست پروازاں دا خیرمقدم کریندے رابطہ کاری کوں معاشی ترقی دا بنیادی محرک قرار ڈتا ۔ مال برداری دے خرچ تے ترسیل دے ویلھے کوں ہک اہم چیلنج قرار ݙیندے کراچی-چٹاگانگ براہِ راست بحری رستے دی تجویز پیش کیتی ڳئی تاں جو خرچے گھٹ تے تجارتی سرگرمیاں وچ تیزی گھن آئی ونڄ سڳے۔