اسلام آباد ۔ 16 اکتوبر (اے پی پی) صدر مملکت ممنون حسین وزیراعظم دی ایڈوائس تے سینئر قنون دان ارشد محمود کیانی کوں ڈپٹی اٹارنی جنرل آف پاکستان مقرر کرڈتے ۔ ارشد محمود کیانی اسلام آباد بار دے سینئر ممبر اتے بار دے سیکرٹری رہ چکے ہن ،جنہاں برطانیہ دی یونیورسٹی آف سٹیفورڈ شائر توں لیگل پریکٹس اچ ایل ایل ایم کیتا ہے۔ ارشد محمود کیانی اپریل 2014ءتوں بطور سٹینڈنگ کونسل اسلام آباد ہائیکورٹ اچ کم کریندے ریہے ہن ، جنہاں دے تجربے اتے کارکردگی کوں سامنڑیں رکھ تے انہاں کوں حکومت پاکستان ڈپٹی اٹارنی جنرل آف پاکستان دیاں ذمہ داریاں ڈتیا ہن ۔ آپنڑیں تعیناتی تے ارشد محمود کیانی وزیر قنون زاہد حامد ‘ معاون خصوصی برائے قنون وپارلیمانی امور بیرسٹر ظفر اللہ خان اتے اٹارنی جنرل آف پاکستان اشتراوصاف دا خصوصی طور تے شکریہ ادا کریندے ہوئیں آکھیا جو انہاں تے جیہڑا اعتماد دا اظہار کیتا گئے ایندے اُتے پورا امسن ۔
