اسلام آباد ۔ 16 دسمبر (اے پی پی) وفاقی وزیر ریلوے خواجہ سعد رفیق آکھیا جو اقلیت اکثرایت تے حکومت دی کوئی کوشش نی کریندی تاں مشرقی پاکستان دے سانحہ توں بچیا ونج سگدا ہئی،آرمی پبلک سکول دے واقعہ ساری قوم کوں اخیری دہشت گرد دے خاتمہ دے عزم نال سرشار کیتا،سقوط ڈھاکہ دے ذمہ وار مارشل لاء لاونڑ آلے جنرل،نظریہ ضرورت ڈیونڑ آلے جج اتے قولم فروش صحافی ہن ۔او جمعہ کوں پارلیمنٹ ہائوس دے باہر میڈیانال گالھ مہاڑ کریندے پئے ہن۔خواجہ سعد رفیق آکھیا جو 16دسمبر دا ڈینھ پاکستان دی تریخ اچ سانحات بارے ہک سیاہ ڈینھ اے ،ایں سانحہ ہر پاکستانی دے دل کوں چھلنی کر ڈتے ۔سقوط ڈھاکہ دا سبق اے ہے جو اقلیت اکثریت تے حکومت دی کوشش نہ کرے،آئین اتے قانون دی پاسداری کیتی ونجے ۔انہاں آکھیا مشرقی پاکستان تروڑنڑ آلیاں اج تئیں قوم توں معافی کائنی منگی۔
