حکومت دی اولین ترجیح عام آدمی کوں ریلیف دی فراہمی تے معیشت کوں ترقی دے راہ تے ٹورݨ اے، وزیراعظم

اسلام آباد۔13 جون (اے پی پی) وزیراعظم محمد شہباز شریف معاشی استحکام کوں پائیدار اقتصادی ترقی اچ تبدیل کرݨ دے عزم دا اعادہ کریندیں ہوئیں آکھیا جو حکومت دی اولین ترجیح عام آدمی کوں ریلیف فراہم کرݨ تے معیشت کوں ترقی دے راہ تے ٹورݨ اے، او ہفتہ کوں اتھاں پارلیمنٹ ہاؤس اچ ملاقات کیتے آوݨ آلے ارکانِ اسمبلی نال ڳالھ مہاڑ کریندے پئے ہن۔ وزیراعظم آفس دے میڈیا ونگ توں جاری کیتے ڳئے بیان دے مطابق وزیراعظم نال ارکانِ اسمبلی ابرار شاہ, ثمینہ خالد، شاہدہ رحمان، جمال شاہ کاکڑ، خرم شہزاد، سردار یعقوب خان ناصر، میجر (ر) طاہر اقبال تے میاں خان بگٹی انڄ انڄ ملاقاتاں کیتی۔ ارکانِ قومی اسمبلی متوازن تے عوام دوست بجٹ پیش کرݨ تے وزیراعظم دی قیادت کوں سراہیا۔ وزیراعظم معاشی استحکام کوں پائیدار اقتصادی ترقی اچ تبدیل کرݨ دے عزم دا اعادہ کریندیں ہوئیں آکھیا جو حکومت دی اولین ترجیح عام آدمی کوں ریلیف تے معیشت کوں ترقی دے راہ تے ٹورݨ اے۔ انھاں آکھیا جو بجٹ اچ تنخواہ دار طبقے کوں ودھ توں ودھ ریلیف فراہم کیتا ڳئے۔ انھاں ایں توقع دا اظہار کیتا جو بجٹ اچ کاروباری برادری کیتے ٹیکس اچ رعایتاں تے دیگر سہولیات توں سرمایہ کاری ودھیسی تے معاشی سرگرمیاں کوں فروغ ملسی۔ انھاں آکھیا جو پائیدار معاشی نمو دے ذریعے نوجواناں کیتے روزگار دے وسیع مواقع پیدا کیتے ویسن۔ معاشی استحکام دے ثمرات عوام تئیں پڄآوݨ کیتے اصلاحات دا عمل جاری رہسی۔ ارکانِ قومی اسمبلی عوامی فلاح تے اقتصادی ترقی کیتے حکومتی اقدامات دی مکمل حمایت دا اظہار کیتا۔ ملاقات اچ ارکانِ قومی اسمبلی دے حلقیاں بارے معاملیاں تے وی ڳالھ مہاڑ تھئی۔