اسلام آباد ۔ 18 دسمبر (اے پی پی) پاکستان ریلویزوفاق دے زیر انتظام قبائلی علاقہ جات (فاٹا) کوں پشاور تے طور خم نال ریلوے لائن دے ذریعے ملاونڑ سانگے فزیبلٹی رپورٹ مرتب کریسی ۔ وزارت ریلویز دے حکام اے پی پی کوں ڈسایا جو پاکستان ریلویز حکام وزیر ریلوے خواجہ سعد رفیق کوں ہک تفصیلی بریفنگ اچ منصوبے دی فزیبلٹی دی تیاری اُتے اگوہیں بارے ڈسایا۔ پاکستان ریلوے فاٹا دے عوام کوں قومی دھارے اچ رلاونڑ سانگے ریلوے لائن وچھیسی ، جیندے نال علاقے اچ ترقی اتے خوشحالی امسی ۔ ذرائع ڈسایا جو سارے پاکستان توں چمن -سپین بولدک کوں افغانستان اتے وسطی ایشیاءدے ملکاں توں طور خم دے رستے ملاونڑ دے متبادل رستے اُتے وی کم کر یندی پئی ہے ۔ جیندے نال چین پاکستان اقتصادی راہداری دے آونڑ دے بعد تجارتی ضروریات کوں پورا کرنڑا چ مدد ملسی ۔
