آپریشن غضب للحق دے تحت جوابی کارروائیاں: باجوڑ تے کرم سیکٹر وچ افغان طالبان دیاں پوسٹاں تباہ

اسلام آباد۔16مارچ(اے پی پی) پاک افواج دی افغان طالبان تے فتنہ الخوارج دے خلاف آپریشن غضب للحق دے تحت فیصلہ کن جوابی کارروائیاں وچ باجوڑ سیکٹر تے کرم سیکٹر وچ پاک افغان سرحد نال ملحقہ افغان طالبان دیاں پوسٹاں کوں مکمل تباہ کر ݙتا ڳئے، کئی خارجی جہنم واصل تھی ڳئن جݙاں جوباقی فرار تھی ڳئن۔ سکیورٹی ذرائع موجب پاک فوج بھرپور کارروائی کریندے باجوڑ سیکٹر وچ پاک افغان سرحد نال ملحقہ افغان طالبان دیاں پوسٹاں کوں مکمل تباہ کر ݙتا، پاک فوج پاک افغان سرحد تے گائیڈڈ میزائل دے ذریعے وی افغان طالبان دیاں پوسٹاں کوں نشانہ بݨایا۔ سکیورٹی ذرائع موجب کرم سیکٹر وچ پاک فوج افغان طالبان تے فتنہ الخوارج دے اہم ٹھکاݨیں کوں نشانہ بݨایا، پاک فوج دی موثر کارروائی دے نتیجے وچ افغان طالبان تے فتنہ الخوارج دیاں کئی پوسٹاں تباہ تھی ڳئیاں، انھاں کارروائیاں دے دوران کئی خارجی جہنم واصل تھی ڳئے جݙاں جو باقی بھڄ ڳئے۔ سکیورٹی ذرائع آکھیے آپریشن غضب للحق اپݨے اہداف دے حصول تئیں جاری رہسی