دوحہ۔ 16 اپریل(اے پی پی)وزیر اعظم محمد شہباز شریف قطر دے امیر شیخ تمیم بن حمد الثانی نال ملاقات کیتی اے، جیندے اچ باہمی دلچسپی دے معاملیاں، ݙو طرفہ تعلقات اتے خطے دی صورتحال تے تفصیلی گالھ مہاڑ کیتی۔ ݙوہیں رہنماواں وچال باہمی تعلقات تے وی ڳالھ تھئی۔ وزیر اعظم قطری جنگی جہازاں ولوں پاکستانی جہاز کوں سکواڈ استقبال ݙیوݨ تے شکریہ ادا کیتا اتے قطر دی مہمان نوازی کوں …
وزیر اعظم محمد شہباز شریف دی امیرِ قطر شیخ تمیم بن حمد الثانی نال ملاقات
دوحہ۔ 16 اپریل(اے پی پی)وزیر اعظم محمد شہباز شریف قطر دے امیر شیخ تمیم بن حمد الثانی نال ملاقات کیتی اے، جیندے اچ باہمی دلچسپی دے معاملیاں، ݙو طرفہ تعلقات اتے خطے دی صورتحال تے تفصیلی گالھ مہاڑ کیتی۔ ݙوہیں رہنماواں وچال باہمی تعلقات تے وی ڳالھ تھئی۔ وزیر اعظم قطری جنگی جہازاں ولوں پاکستانی جہاز کوں سکواڈ استقبال ݙیوݨ تے شکریہ ادا کیتا اتے قطر دی مہمان نوازی کوں سراہیا۔ ڳالھ مہاڑ اچ خطے دی صورتحال، خاص طور تے خلیجی خطے اچ امن اتے استحکام تے تفصیلی الائے ڄݙاں جو مذاکرات اتے باہمی تعاون دے ذریعے مسئلیاں دے حل تے زور ݙتے۔ وزیر اعظم قطر اتے ٻئے ملکاں تے حملیاں دی شدید مذمت کریندے قطری عوام نال مکمل یکجہتی کیتی۔ ݙوہیں ملکاں وچال سکیورٹی، دفاع اتے توانائی دے شعبیاں اچ تعاون ودھاوݨ تے اتفاق تھئے ڄݙاں جو پاکستان اتے خلیجی ملکاں دے پراݨے تعلقات کوں ٻیا تگڑا ٻݨاوݨ دا عزم دوہرایا۔ ایں توں پہلے، وزیر اعظم محمد شہباز شریف اپݨے سرکاری دورے تے قطر دے دارالحکومت دوحہ پڄین، جتھاں انہاں دا تپاک نال استقبال کیتا گیا۔ وزیر اعظم آفس دے مطابق دوحہ پڄݨ تے قطر دے وزیر مملکت برائے خارجہ امور سلطان بن سعد المریخی وزیر اعظم اتے انہاں دے وفد دا استقبال کیتا، ڄݙاں جو قطری مسلح افواج دے چاک و چوبند دستے انہاں کوں سلامی پیش کیتی۔ ایں موقع تے دوحہ ائیرپورٹ تے شہر کوں پاکستانی جھنڈیاں نال وی سجایا گیا ہئی۔
