ترکیہ دے شہر انطالیہ اچ 17 اپریل کوں تھیوݨ والے وزرائے خارجہ اجلاس کیتے سفارشاں تیار ٻݨا ڳھدن، ترجمان دفتر خارجہ

اسلام آباد۔ 16 اپریل (اے پی پی)دفتر خارجہ دے ترجمان طاہر حسین اندرابی آکھیے جو پاکستان، سعودی عرب، ترکیہ اتے مصر دے اعلیٰ حکام دے اسلام آباد اچ تھیوݨ والے حالیہ اجلاس اچ تعاون دے وݙے شعبیاں دا جائزہ ڳھدے اتے 17 اپریل کوں ترکیہ دے شہر انطالیہ اچ تھیوݨ والے وزرائے خارجہ دے اجلاس کیتے سفارشاں ٻݨا ڳھدن۔ اسلام آباد اچ ہفتہ وار پریس بریفنگ اچ انہاں آکھیا جو پاکستان، سعودی عرب، ترکیہ اتے مصر دے اعلیٰ حکام دا اے اجلاس 14 اپریل کوں اسلام آباد اچ تھیا ہئی۔ انہاں آکھیا جو چارے ملکاں دے اعلیٰ حکام دا اے اجلاس اسلام آباد اچ 29 مارچ دے وزرائے خارجہ دے مشاورتی اجلاس دے بعد تھیسی۔ ترجمان آکھیا جو اساں تعاون دے کلیدی شعبیاں دا جائزہ ڳھدے اتے 17 اپریل 2026 کوں ترکیہ دے شہر انطالیہ اچ تھیوݨ والے وزرائے خارجہ دے آندے اجلاس کیتے سفارشاں ٻݨا ڳھدن۔ ترجمان آکھیا جو حکام نائب وزیر اعظم تے وزیر خارجہ محمد اسحاق ڈار تے سیکرٹری خارجہ آمنہ بلوچ نال وی مشترکہ طور تے ملاقات کیتی جیںدے اچ چارے ٻھرا ملکاں وچال اعلیٰ سطح رابطیاں کوں جاری رکھݨ تے زور ݙتا ڳیا۔