انطالیہ۔ 17 اپریل(اے پی پی)وزیراعظم محمد شہباز شریف نال ترک وزیر خارجہ حاقان فیدان ملاقات کیتی aتے انطالیہ ڈپلومیسی فورم اچ شرکت کیتے آوݨ تے انہاں دا شکریہ ادا کیتا۔ وزیر اعظم آفس دے میڈیا ونگ ولوں جاری بیان دے مطابق نائب وزیراعظم تے وزیر خارجہ سینیٹر محمد اسحاق ڈار اتے معاون خصوصی سید طارق فاطمی وی ایں موقع تے موجود ہن۔ وزیر خارجہ حاقان فیدان وزیر اعظم شہباز شریف …
وزیراعظم شہباز شریف نال ترک وزیر خارجہ دی ملاقات
انطالیہ۔ 17 اپریل(اے پی پی)وزیراعظم محمد شہباز شریف نال ترک وزیر خارجہ حاقان فیدان ملاقات کیتی aتے انطالیہ ڈپلومیسی فورم اچ شرکت کیتے آوݨ تے انہاں دا شکریہ ادا کیتا۔ وزیر اعظم آفس دے میڈیا ونگ ولوں جاری بیان دے مطابق نائب وزیراعظم تے وزیر خارجہ سینیٹر محمد اسحاق ڈار اتے معاون خصوصی سید طارق فاطمی وی ایں موقع تے موجود ہن۔ وزیر خارجہ حاقان فیدان وزیر اعظم شہباز شریف کوں انطالیہ ڈپلومیسی فورم اچ شرکت تے خوش آمدید آکھیا۔ انہاں آکھیا جو صدر رجب طیب ایردوان انطالیہ ڈپلومیسی فورم دے موقع تے وزیراعظم نال ملاقات دے تانڳھی ہین۔ وزیر اعظم محمد شہباز شریف شاندار استقبال اتے روایتی مہمان نوازی تے ترک وزیر خارجہ حاقان فیدان دا شکریہ ادا کیتا۔ انہاں آکھیا جو اے انہاں کیتے خوشی دا موقع اے جو او اپنے ݙوجھے گھر ترکیہ دے دورے تے ہین، انطالیہ ڈپلومیسی فورم اچ شرکت اتے صدر رجب طیب ایردوان نال ملاقات وݙے ماݨ دی ڳالھ اے۔
