انطالیہ۔ 17 اپریل(اے پی پی)وزیرِ اعظم محمد شہباز شریف انطالیہ ڈپلومیسی فورم دے موقع تے ترکیہ دے صدر رجب طیب ایردوان نال ملاقات کیتی، جیندے اچ فوطرفہ تعلقات اتے خطے دی صورتحال تے تفصیل نال الائے۔ ملاقات اچ نائب وزیراعظم تے وزیر خارجہ سینیٹر محمد اسحاق ڈار، وزیر اطلاعات عطاء اللہ تارڑ اتے ٻئے اعلیٰ حکام شریک ہن، ڄݙانجو ترک وزیر خارجہ سودھا سینئر ترک حکام وی موجود ہن۔ صدر …
وزیرِ اعظم شہباز شریف دی ترکیہ دے صدر رجب طیب ایردوان نال ملاقات
انطالیہ۔ 17 اپریل(اے پی پی)وزیرِ اعظم محمد شہباز شریف انطالیہ ڈپلومیسی فورم دے موقع تے ترکیہ دے صدر رجب طیب ایردوان نال ملاقات کیتی، جیندے اچ فوطرفہ تعلقات اتے خطے دی صورتحال تے تفصیل نال الائے۔ ملاقات اچ نائب وزیراعظم تے وزیر خارجہ سینیٹر محمد اسحاق ڈار، وزیر اطلاعات عطاء اللہ تارڑ اتے ٻئے اعلیٰ حکام شریک ہن، ڄݙانجو ترک وزیر خارجہ سودھا سینئر ترک حکام وی موجود ہن۔ صدر ایردوان وزیراعظم دے ترکیہ آوݨ اتے فورم اچ شرکت تے شکریہ ادا کریندے آکھیا جو ترکیہ خطے اچ امن ودھاوݨ کیتے پاکستان دی سفارتی کوششاں دی حمایت جاری رکھیسی۔ وزیر اعظم شہباز شریف شاندار استقبال اتے روایتی ترک مہمان نوازی تے شکریہ ادا کریندے انطالیہ ڈپلومیسی فورم دی کامیابی تے ترک صدر کوں مبارکباد ݙتی۔ ایں موقع تے صدر ایردوان آکھیا جو اے فورم ہک اہم عالمی پلیٹ فارم دی حیثیت اختیار کر چکیے۔ ݙوہیں رہنماواں تازہ علاقائی صورتحال، خاص طور تے مشرقِ وسطیٰ دے بدلدے ہوئے حالات تے ڳالھ مہاڑ کیتی اتے خطے اچ دیرپا اتے مستحکم امن دے فروغ تے اتفاق کیتا۔ ملاقات اچ ݙوطرفہ تعلقات دی مثبت پیش رفت تے اطمینان کریندے ایں سال انقرہ اچ اٹھویں “ہائی لیول اسٹریٹجک کوآپریشن کونسل” دا اجلاس سݙݨ تے وی اتفاق کیتا ڳئے۔ ݙوہیں رہنماواں پاکستان اتے ترکیہ دی سٹریٹجک شراکت داری کوں ٻیا تکڑا کرݨ دا عزم دوہرایا۔
