فیلڈ مارشل سید عاصم منیر اتے وزیرِ داخلہ محسن نقوی دا ایران دا سرکاری دورہ مکمل

راولپنڈی۔18 اپریل(اے پی پی)چیف آف ڈیفنس فورسز، آرمی چیف، فیلڈ مارشل سید عاصم منیر ہلالِ جرات نشانِ امتیاز (ملٹری) اتے وزیرِ داخلہ محسن نقوی وفد نال ایران دا ترائے ݙینھ دا سرکاری دورہ مکمل کرڳھدے۔ پاک فوج دے شعبہ تعلقاتِ عامہ (آئی ایس پی آر) دی جاری پریس ریلیز دے مطابق ایںدورے اچ فیلڈ مارشل ایران دے صدر ڈاکٹر مسعود پیزشکیان نال ملاقات کیتی اتے قومی اسمبلی دے سپیکر محمد باقر قالیباف، وزیرِ خارجہ عباس عراقچی اتے خاتم الانبیاء ہیڈ کوارٹرز دے کمانڈر میجر جنرل علی عبداللہی نال وی انڄھ انڄھ ملین۔ انہاں خطے اچ پائیدار امن دے حصول تے توجہ ݙیوائی اتے علاقائی سلامتی دی صورتحال، جاری سفارتی مصروفیات اتے خطے اچ پائیدار امن ودھاوݨ سانڳے تعاون دے اقدامات تے زور ݙتے۔ فیلڈ مارشل مستقل سفارتی مصروفیات نال ڳالھ مہاڑ، کشیدگی ڳھٹاوݨ اتے حل طلب مسئلیاں دے پرامن حل تے زور ݙتے۔ فیلڈ مارشل سید عاصم منیر ایرانی قیادت اتے ایرانی عوام دی بہترین مہمان نوازی کوں سراہیا۔ انہاں صدرِ مملکت آصف علی زرداری، وزیرِ اعظم محمد شہباز شریف اتے پاکستانی عوام ولوں ایرانی قیادت کیتے مبارک اتے نیک خواہشاں پچیندے ݙوہائیں ملکاں وچال تاریخی اتے برادرانہ تعلقات کوں ٻیا تکڑا کرݨ دی خواہش ݙسائی۔ اے دورہ مشرقِ وسطیٰ دے تنازعیاں کوں مذاکرات دے ذریعے حل کرݨ اتے خطے اوچ امن، استحکام تے خوشحالی ودھاوݨ کیتے پاکستان دے غیر متزلزل عزم دی عکاسی کریندے۔