روٹ ٹو مکہ اقدام؛ پہلی حج پرواز علامہ اقبال انٹرنیشنل ایئرپورٹ لاہور توں روانہ

اسلام آباد۔18 اپریل(اے پی پی)پاکستان ایئرپورٹس اتھارٹی دے ترجمان آکھیے جو روٹ ٹو مکہ اقدام دے تحت علامہ اقبال انٹرنیشنل ایئرپورٹ لاہور توں پہلی حج پرواز SV-5735 اڄ سویلے روانہ تھئی۔ ایں موقع تے ایئرپورٹ تے ہک تقریب تھئی جیندے اچ وفاقی وزیر مذہبی امور سردار محمد یوسف، حافظ طاہر محمود اشرفی اتے مملکت سعودی عرب دے سفیر نواف بن سعید المالکی شرکت کیتی۔ تقریب اچ انجینئر جفن بن خلف علی الشمر، وفاقی سیکرٹری مذہبی امور ابرار احمد مرزا، میجر جنرل ڈاکٹر صالح بن سعد المیرابہ، پنجاب دے صوبائی وزیر برائے سپیشلائزڈ ہیلتھ کیئر خواجہ سلمان رفیق اتے ایئرپورٹ دے سینئر حکام وی موجود ہن۔ پرواز دی روانگی ویلھے ٻئے سارے ایئرپورٹ آپریشنز معمول دے مطابق جاری رہین۔