اسلام آباد انٹرنیشنل ایئرپورٹ توں حج 2026 دی پہلی پرواز “روٹ ٹو مکہ” دے تحت روانہ

اسلام آباد۔ 19 اپریل(اے پی پی)پاکستان ایئرپورٹس اتھارٹی دے ترجمان آکھیے جو اسلام آباد انٹرنیشنل ایئرپورٹ توں حج 2026 دی پہلی افتتاحی پرواز “روٹ ٹو مکہ” اقدام دے تحت کامیابی نال روانہ تھی گئی اے، جیندے نال ہی وفاقی دارالحکومت توں حج آپریشنز دا باقاعدہ آغاز تھی گئے‏۔ ایں سال حج آپریشن دے دوران تقریباً 38 ہزار توں 39 ہزار عازمین اسلام آباد ایئرپورٹ دے ذریعے سفر کریسن، جیہڑی جو سب توں زیادہ تعداد اے‏۔ افتتاحی پرواز SV-5723 تے 270 عازمین حج اتے 10 رکنی عملہ سوار ہئی‏۔ تقریب اچ وفاقی وزیرِ مذہبی امور سردار محمد یوسف مہمانِ خصوصی ہن، جݙاں جو سعودی عرب دے نائب سفیر وی موجود ہن‏۔ وفاقی وزیر کوں عازمین کوں فراہم کیتی ونڄݨ والی سہولتاں تے بریفنگ ݙتی گئی‏۔ تقریب دے آخر اچ عازمین کوں پُھل پیش کیتے گئے اتے دعاواں دے نال رخصت کیتا گیا‏۔