اسلام آباد۔ 20 اپریل (اے پی پی) صدرِمملکت آصف علی زرداری بنوں اچ سکیورٹی فورسز دے کامیاب انٹیلی جنس بیسڈ آپریشن تے انھاں کوں خراجِ تحسین پیش کریندے بھارتی پشت پناہی اچ سرگرم فتنہ الخوارج دے اہم دہشت گرداں دی ہلاکت دی تعریف کیتی ۔ ایوانِ صدر دے پریس ونگ توں جاری بیان اچ صدرِ مملکت آکھیا جو خوارجی رنگ لیڈر تے خودکش حملہ آور دی ہلاکت سکیورٹی فورسز دی …
صدرِمملکت آصف علی زرداری دا بنوں اچ کامیاب آپریشن تے سکیورٹی فورسز کوں خراجِ تحسین
اسلام آباد۔ 20 اپریل (اے پی پی) صدرِمملکت آصف علی زرداری بنوں اچ سکیورٹی فورسز دے کامیاب انٹیلی جنس بیسڈ آپریشن تے انھاں کوں خراجِ تحسین پیش کریندے بھارتی پشت پناہی اچ سرگرم فتنہ الخوارج دے اہم دہشت گرداں دی ہلاکت دی تعریف کیتی ۔ ایوانِ صدر دے پریس ونگ توں جاری بیان اچ صدرِ مملکت آکھیا جو خوارجی رنگ لیڈر تے خودکش حملہ آور دی ہلاکت سکیورٹی فورسز دی پیشہ ورانہ مہارت تے جرات دی آئینہ دار اے۔ صدر آصف علی زرداری آکھیا جو ایجھے ویلھے جݙاں پاکستان اپݨی ساری توانائیاں خطے تے عالمی امن دے حصول اچ صرف کریندا پئے، ایں ویلھے ساݙے دشمن دہشت گردی دے ذریعے ساݙی انھاں کوشِشاں کوں کمزور کرݨ چاہندن
