وزیراعظم تے نائب وزیراعظم دی قیادت اچ پاکستان عالمی سطح تے جاری جھیڑیں دے پرامن حل کیتے فعال سفارتی کردار ادا کریندا پئے، احسن اقبال

اسلام آباد۔ 20 اپریل (اے پی پی) وفاقی وزیر منصوبہ بندی، ترقی، اصلاحات و خصوصی اقدامات پروفیسر احسن اقبال وزارتِ منصوبہ بندی دی ماہانہ ترقیاتی رپورٹ جاری کریندے آکھیے جو سکیورٹی وجوہات دے باوجود رپورٹ دے اجراء اچ کوئی تعطل کائنی آوݨ ݙتا ڳیا تے اینکوں وقتی جاری کیتا ڳئے۔ رپورٹ جاری کرݨ دے موقع تے میڈیا نمائندگان نال ورچوئل خطاب کریندے وفاقی وزیرآکھیا جو وزیراعظم تے نائب وزیراعظم دی قیادت اچ پاکستان عالمی سطح تے جاری جھیڑیں دے پرامن حل کیتے فعال سفارتی کردار ادا کریندا پئے۔ انھاں آکھیا جو پیچیدہ عالمی جھیڑیں دا حل مذاکرات تے سانجھی لچک نال ہی ممکن اے تے پاکستان دی ثالثی کوشِشاں دی عالمی سطح تے تعریف کیتی ویندی پئی اے۔احسن اقبال ݙسایا جو پاکستان دی معیشت اڄوکے مالی سال دے پہلے اٹھ مہینے دے دوران مستحکم رہی اے جیندے اچ مہانگ گھٹ تھی تے 5.5 فیصد جݙاں جو معاشی شرح نمو 3.8 فیصد تئیں پڄ ڳئی اے۔ وفاقی وزیر آکھیا جو حکومت معاشی استحکام، عوامی ریلیف تے پائیدار ترقی دے اہداف دے حصول کیتے سارے وسائل استعمال اچ گھن آندی پئی اے تے نینگراں کوں بااختیار بݨا تے ملک کوں جدید تے تکڑی معیشت دے رستے تے ٹوریا ویسی۔