وزیراعظم شہباز شریف ترقیاتی منصوبیں اچ تیزی کیتے پبلک پرائیویٹ پارٹنرشپ اتھارٹی تے متعلقہ نظام کوں مزید تکڑا بݨاوݨ دی اصولی منظوری ݙے ݙتی

اسلام آباد۔ 21 اپریل (اے پی پی) وزیراعظم محمد شہباز شریف پبلک پرائیویٹ پارٹنرشپ دے ذریعے ترقیاتی منصوبیں اچ تیزی گھن آوݨ کیتے پبلک پرائیویٹ پارٹنرشپ اتھارٹی (پی تھری اے) تے ایندے نال متعلقہ نظام کوں مزید مربوط بݨاوݨ دی اصولی منظوری ݙے ݙتی اے۔ وزیراعظم دفتردے میڈیا ونگ توں منڳل کوں جاری بیان موجب وزیراعظم محمد شہباز شریف دی زیرِ صدارت ملک اچ پبلک پرائیویٹ پارٹنرشپ دے ذریعے ترقیاتی منصوبیں اچ تیزی گھن آوݨ کیتے اعلیٰ سطحی اجلاس منعقد تھیا جیندے اچ وفاقی وزراء ڈاکٹر مصدق ملک، اعظم نذیر تارڑ، احد خان چیمہ، محمد اورنگزیب، احسن اقبال، مشیرِ وزیراعظم محمد علی، وزیرِ مملکت بلال اظہر کیانی تے متعلقہ اعلیٰ حکام شرکت کیتی اے۔وزیراعظم ملک اچ پبلک پرائیویٹ پارٹنرشپ دے ذریعے ترقیاتی منصوبیں اچ تیزی گھن آوݨ کیتے پبلک پرائیویٹ پارٹنرشپ اتھارٹی (پی تھری اے) تے ایندے نال متعلقہ نظام کوں مزید مربوط بݨاوݨ دی اصولی منظوری ݙتی اے۔ اجلاس اچ فیصلہ کیتا ڳیا جو پی تھری اے دی کارکردگی کوں جدید عصری تقاضیں نال ہم آہنگ کرݨ تے پبلک پرائیویٹ پارٹنرشپ دے تحت ترقیاتی منصوبیں اچ تیزی گھن آوݨ کیتے اے ادارہ نجکاری ڈویژن دے تحت کم کریسی ۔وزیراعظم پبلک پرائیویٹ پارٹنرشپ دے ذریعے ترقیاتی منصوبے شروع کرݨ دے حوالے نال متعلقہ وزارتاں تے محکمیں دی استعداد اچ بہتری گھن آوݨ دی ہدایت کیتی اے۔ انھاں آکھیا جو پبلک پرائیویٹ پارٹنرشپ دے ذریعے ترقیاتی منصوبیں کوں وزارتاں تے محکمیں دی کارکردگی ڄاݨݨ (کے پی آئیز) دا حصہ بݨایا ونڄے۔ پی تھری اے دے ذریعے پبلک پرائیویٹ پارٹنرشپ دے نظام کوں مزید شفاف تے تکھے بݨیندے پئن ۔ اجلاس کوں تجویز کیتے ڳئے نویں نظام دے خدوخال تے وی بریفنگ ݙتی ڳئی جیندے اچ ݙسایا ڳیا جو نویں نظام دے تحت پی تھری اے دی نگرانی کابینہ کمیٹی نجکاری تے نجکاری ڈویژن کریسی ۔ وزیراعظم نویں منظور تھئے نظام دے حوالے نال عملدرآمد تے پیش رفت تکھی کرݨ دی ہدایت کیتی۔