کتاب زندگی دے عظیم ترین فلسفے دی نمائندگی کریندی اے،صدرِ مملکت آصف علی زرداری دا کتاب دے جگ ݙیھار تے سنھیا

اسلام آباد۔ 23 اپریل (اے پی پی) صدرِ مملکت آصف علی زرداری آکھیے جو کتاب زندگی دے عظیم ترین فلسفے دی نمائندگی کریندی اے، اے علم و دانش اچ ودھارا کریندی اے، فکری صلاحیتاں کوں جلا بخشیندی اے، معاشرے دی تعمیر و ترقی اچ اپݨا کردار ادا کریندی اے۔ ایوانِ صدر دے پریس ونگ توں جاری بیان موجب عالمی یومِ کتاب دے موقع تے اپݨے پیغام اچ صدرِ مملکت آصف علی زرداری آکھیا جو یونیسکو دے زیرِ اہتمام دنیا اچ منایا ونڄݨ آلا کتاباں دا عالمی ݙینھ ہک با معنی روایت کوں برقرار رکھیا ہویا اے۔ پاکستان اچ وی اے ݙینھ سارے اسکولوں، کالجاں تے سرکاری اداریں اچ بھرپور جوش و خروش نال منایا ویندے ۔ اے موقع کتاباں دی اہمیت تے افادیت کوں اجاگر کرݨ، مطالعے دی عادت کوں ودھارا ݙیوݨ تے کتاباں توں رہنمائی تے علم حاصل کرݨ متعلق شعور بیدار کرݨ دا ذریعہ اے۔صدرِ مملکت آکھیا جو کتاب زندگی دے عظیم ترین فلسفے دی نمائندگی کریندی اے، اے علم و دانش اچ ودھارا کریندی اے، فکری صلاحیتاں کوں جلا بخشیندی اے، معاشرے دی تعمیر و ترقی اچ اپݨا کردار ادا کریندی اے، انسانی سوچ تے عمل کوں مہمیز ݙیندی اے تے مختلف سماجی مسئلیں کوں سمجھݨ تے حل کرݨ کیتے ہک موثر ذریعے دے طور تے کم کریندی اے۔ معاشریں کوں ٻہوں چیلنجز دا سامݨا رہندے تے انھاں توں موثر طریقے نال نبٹݨ تے زندگی دے مسئلیں دا حل تلاش کرݨ کیتے کتاباں دے مطالعے دی ٻہوں لوڑھ اے۔صدر آصف علی زرداری آکھیا جو اڄ دے پاکستان اچ مصنوعی ذہانت (اے آئی) کوں اکثر ہک ایجھے رجحان دے طور تے ݙٹھا ویندے جو جیویں اساں پہلے ہی ‘بعد از کتاب دور’ (Post-book era) اچ داخل تھی چکے ہوووں، حقیقت ایندے برعکس اے۔ مصنوعی ذہانت تے الگورتھم دے دوراچ وی کتاباں متروک کائنی بلکہ انھاں دی اہمیت پہلے توں وی ودھ ڳئی اے۔ انھاں آکھیا جو کتاباں ماضی دا کوئی قدیم ورثہ کائنی بلکہ واضح سوچ، ثقافتی تسلسل تے باخبر فیصلہ سازی دی بنیاد ہن۔صدرِ مملکت آکھیا جو ساریں توں ودھ تے کتاب ہک مخلص تے سچی دوست اے۔ بنی نوعِ انسان دا بہترین مطالعہ خود انسان اے تے کتاباں اساں کوں عظیم شخصیات دی زندگیاں، واقعات، کارنامیں، انقلاب، کامیابیاں تے ناکامیاں نال متعارف کرویندی اے جنھاں اچوں ہر ہک اساݙے کیتے ہک قیمتی سبق اے۔ انھاں اسباق دے ذریعے اساں مستقبل کیتے کامیاب منصوبہ بندی کرسڳدوں۔ صدرِ مملکت آکھیا جو لوڑھ ایں ڳالھ دی اے جو “یومِ کتاب” کوں بھرپور طریقے نال اجاگر کرݨ دی کوشِش کیتی ونڄے، کتاباں دی اہمیت تے زور ݙتا ونڄے تے نویں نسل کوں مطالعے توں مستفید تھیوݨ دے موقع ݙتے ونڄن