لاہور اچ 3 ٻالاں دی ڳچی کپ ݙتی ڳئی، ماء پیو تے چاچا گرفتار

لاہور۔ 23 اپریل (اے پی پی) لاہور دے علاقے اچھرہ اچ ترائے نشوم ٻالاں دی ڳچی کپ تے قتل کر ݙتا ڳئے، ٻالاں دے والد، والدہ تے چاچا کوں حراست اچ گھن ڳھدا ڳئے۔ پولیس موجب اچھرہ دے علاقے اچ 2 دھیریں تے ہک پتر دیاں لاشاں ملئن، ٻالاں کوں ڳچی کپ تے قتل کیتا ڳئے۔ 15 تے اطلاع ملی، پولیس تے ریسکیو ٹیماں موقع تے پڄ ڳئیاں ۔حکام دے موجب ٻالاں دیاں عمراں 1 توں 9 سال دے درمیان ہن، والدین گھر کوں ٻاہروں تالا لا تے میڈیکل اسٹور تے دوائیاں گھنݨ کیتے ڳئے ہن، جݙاں واپس گھر آئے تاں ٻالاں دیاں گردناں کپیاں ہوئیاں ہئن۔ مقتول ٻالاں دی سُنجاݨ پنج سالہ مومنہ بتول، 4 سالہ مومن رضا تے ڈڈھ سالہ امِ حبیبہ دے ناں نال تھئی اے۔ایس ایس پی آکھیے جو جائے وقوعہ توں ثبوت کٹھے کیتے ویندے پئن۔ بعد اچ، آئی جی پنجاب اچھرہ اچ تہرے قتل دا نوٹس گھندے سی سی پی او لاہور توں رپورٹ منگ ڳھدی اے۔ آئی جی پنجاب ڈی آئی جی آپریشنز لاہور کوں قتل اچ ملوث ملزم دی وقتی گرفتاری دا حکم ݙتے تے آکھیا جو ملزم دی گرفتاری کیتے سارے وسائل استعمال اچ گھن آئے ونڄن۔