اقوام متحدہ۔ 24 اپریل (اے پی پی) پاکستان اقوام متحدہ دی سلامتی کونسل توں مطالبہ کیتے جو او بھارت دی طرفوں 1960 دے تاریخی سندھ طاس معاہدے دی معطلی دا نوٹس گھنے تے اینکوں فوری طور تے بحال کراوݨ اچ اپݨا کردار نبھاوے۔ پاکستان خبردار کیتے جو معاہدے دی معطلی نال خطے اچ 240 ملین توں ودھ لوکاں کیتے سنگین سلامتی، ماحولیاتی تے انسانی بحران پیدا تھی سڳدے۔نائب وزیراعظم تے …
پاکستان دا سلامتی کونسل توں سندھ طاس معاہدہ بحال کراوݨ دا مطالبہ
اقوام متحدہ۔ 24 اپریل (اے پی پی) پاکستان اقوام متحدہ دی سلامتی کونسل توں مطالبہ کیتے جو او بھارت دی طرفوں 1960 دے تاریخی سندھ طاس معاہدے دی معطلی دا نوٹس گھنے تے اینکوں فوری طور تے بحال کراوݨ اچ اپݨا کردار نبھاوے۔ پاکستان خبردار کیتے جو معاہدے دی معطلی نال خطے اچ 240 ملین توں ودھ لوکاں کیتے سنگین سلامتی، ماحولیاتی تے انسانی بحران پیدا تھی سڳدے۔نائب وزیراعظم تے وزیرِ خارجہ محمد اسحاق ڈار سلامتی کونسل دی موجودہ صدر (بحرین دے مندوب) کوں ہک خط بھیڄے، جیند اچ بھارت دے فیصلے کوں “غیر قانونی” قرار ݙیندے ایں تے شدید تشویش ظاہر کیتی ڳئی اے۔ اے خط اقوام متحدہ اچ پاکستان دے مستقل مندوب عاصم افتخار احمد نیویارک اچ سلامتی کونسل دے صدر کوں پیش کیتے۔ پاکستان مطالبہ کیتے جو بھارت کوں پاݨی دے معاہدے تے مکمل عملدرآمد، ڈیٹا شیئرنگ تے تعاون بحال کرݨ تے مجبور کیتا ونڄے۔ واضح رہے جو اے معاہدہ دریائے سندھ دے پاݨی دی ونڈ کوں ریگولیٹ کریندے، جیندے تحت مغربی دریا پاکستان جݙاں جو مشرقی دریا بھارت دے حصے اچ آندن۔ بھارت 23 اپریل 2025 کوں معاہدے کوں معطل کرݨ دا اعلان کیتا ہئی ، جیندے بعد ݙوہیں ملکاں اچ کشیدگی ودھ ڳئی اے
