لاہور۔ 24 اپریل (اے پی پی) وفاقی وزیر موسمیاتی تبدیلی و ماحولیاتی ہم آہنگی ڈاکٹر مصدق ملک سرکاری افسراں تے زور ݙتے جو او فیصلہ سازی اچ ثبوت تے مبنی طریقہ کار اپناون تے عوامی فلاح کوں اپݨی ترجیحات دا مرکز بݨاون، کیوں جو پاکستان دے مستقبل دی تشکیل اچ انھاں دا کردار ٻہوں اہم اے۔ او نیشنل اسکول آف پبلک پالیسی دے ذیلی ادارے پاکستان ایڈمنسٹریٹو اسٹاف کالج اچ …
سرکاری افسر فیصلہ سازی اچ ثبوت تے مبنی طریقہ کار اپناون، وفاقی وزیرموسمیاتی تبدیلی مصدق ملک دا پاکستان ایڈمنسٹریٹو اسٹاف کالج اچ خطاب
لاہور۔ 24 اپریل (اے پی پی) وفاقی وزیر موسمیاتی تبدیلی و ماحولیاتی ہم آہنگی ڈاکٹر مصدق ملک سرکاری افسراں تے زور ݙتے جو او فیصلہ سازی اچ ثبوت تے مبنی طریقہ کار اپناون تے عوامی فلاح کوں اپݨی ترجیحات دا مرکز بݨاون، کیوں جو پاکستان دے مستقبل دی تشکیل اچ انھاں دا کردار ٻہوں اہم اے۔ او نیشنل اسکول آف پبلک پالیسی دے ذیلی ادارے پاکستان ایڈمنسٹریٹو اسٹاف کالج اچ 124 ویں نیشنل مینجمنٹ کورس دی گریجویشن تقریب توں بطور مہمانِ خصوصی خطاب کریندے پئے ہن۔ڈاکٹر مصدق ملک آکھیا جو سول سروس ملک دا ہک ٻہوں باصلاحیت ادارہ اے۔ انھاں آکھیا جو فارغ التحصیل افسراں کنے ہݨ ایجھے فیصلے کرݨ دا موقع اے جیڑھا حکمرانی دے نظام تے عوامی بہبود اچ نمایاں بہتری گھن آسڳدن۔ انھاں قدرتی آفتاں دے دوران پاکستان دی مزاحمت تے سول سروس دے کردار دی تعریف کیتی ۔ تاں جو وفاقی وزیر انسانی ترقی دے شعبے اچ موجود کمزوریاں تے تشویش دا اظہار کیتے۔ انھاں افسراں کوں ہدایت کیتی جو او طریقہ کار دے بجائے نتجے کوں ترجیح ݙیون تے صلاح دی بجائے ثبوت دی بنیاد تے فیصلے کرن۔ انھاں جدید ٹیکنالوجی تے مصنوعی ذہانت (AI) دے استعمال دی وی تلقین کیتی۔ تقریب دے چھیکڑ اچ ڈاکٹر مصدق ملک کامیاب افسراں کوں مبارخ ݙتی تے سنداں وی ونڈیاں۔
