ملک دے مختلف حصیں اچ کھمݨ گاجاں نال مینھ وسݨ دا امکان، محکمہٴ موسمیات

اسلام آباد۔ 24 اپریل (اے پی پی) محکمہٴ موسمیات موجب خیبرپختونخوا، گلگت بلتستان تے کشمیر اچ کہیں کہیں جاہ تے جݙاں جو اسلام آباد، اُتلے/وسطی پنجاب، شمال مشرقی بلوچستان تے اُتلے سندھ اچ کجھ جہیں تے اندھاری گھلݨ / تے کھمݨ گاجاں نال مینھ وسݨ دا امکان اے جݙاں جو ملک دے ٻئے علاقیں اچ موسم رُکھا تے گرم رہݨ دا امکان اے۔ محکمہٴ موسمیات موجب ہفتے کوں ملک دے ودھ سارے علاقیں اچ موسم رُکھا تے گرم رہݨ دا امکان اے ۔اُتلے خیبرپختونخوا، گلگت بلتستان تے کشمیر اچ کجھ جہیں تے تکھی ہوا گلھݨ دے نال مینھ وسݨ دا امکان اے۔ پچھلے 24 گھنٹے دے دوران ملک دے ودھ سارے اُتلے علاقیں اچ بدل جݙاں جو میدانی علاقیں اچ گرم رہیے۔ اُتلے خیبر پختونخوا، جنوبی پنجاب، کشمیر، شمالی بلوچستان تے گلگت بلتستان اچ کجھ جہیں تے کھمݨ نال مینھ وٹھے۔ ساریں توں ودھ مینھ خیبرپختونخوا دے علاقے دیر تے کالام اچ 13، پنجاب دے علاقے دیرہ غازی خان اچ 12، تے کشمیر دے علاقے مظفرآباد اچ 11 ملی میٹر مینھ ریکارڈ کیتا ڳئے۔ جمعہ دے ݙینھ ریکارڈ کیتے ڳئے ودھ توں ودھ درجہ حرارت بہاولپور، خیر پور، دادو تے لاڑکانہ اچ 45 ڈگری سینٹی گریڈ ریکارڈ کیتا ڳئے۔