اسلام آباد۔ 24 اپریل (اے پی پی) نائب وزیرِاعظم تے وزیرِ خارجہ اسحاق ڈار روسی فیڈریشن دے وزیرِ خارجہ سرگئی لاروف نال ٹیلی فون تے ڳالھ کیتی اے ۔ دفترِ خارجہ موجب ݙوہیں رہنماواں بین الاقوامی امن تے سلامتی دی حمایت اچ ݙو طرفہ تعلقات تے کثیر الجہتی فورمز تے تعاون تے ڳالھ مہاڑ کیتی۔ وزیرِ خارجہ سرگئی لاروف ایران تے امریکہ وچال مذاکرات اچ سہولت ݙیوݨ اچ پاکستان دے …
وزیرِخارجہ اسحاق ڈار دی روسی وزیرِخارجہ سرگئی لاروف نال ٹیلی فون تے ڳالھ مہاڑ
اسلام آباد۔ 24 اپریل (اے پی پی) نائب وزیرِاعظم تے وزیرِ خارجہ اسحاق ڈار روسی فیڈریشن دے وزیرِ خارجہ سرگئی لاروف نال ٹیلی فون تے ڳالھ کیتی اے ۔ دفترِ خارجہ موجب ݙوہیں رہنماواں بین الاقوامی امن تے سلامتی دی حمایت اچ ݙو طرفہ تعلقات تے کثیر الجہتی فورمز تے تعاون تے ڳالھ مہاڑ کیتی۔ وزیرِ خارجہ سرگئی لاروف ایران تے امریکہ وچال مذاکرات اچ سہولت ݙیوݨ اچ پاکستان دے تعمیری کردار دی تعریف کیتی۔نائب وزیراعظم سارے مسئلیں دے حل کیتے مذاکرات تے سفارت کاری ودھاوݨ دی کوشِشاں اچ تعاون جاری رکھݨ دے پاکستان دے عزم دا اعادہ کیتے ۔ ݙوہیں رہنماواں باقاعدہ اعلیٰ سطح دے رابطیں کوں برقرار رکھݨ دی اہمیت تے زور ݙیندے وزیراعظم محمد شہباز شریف دے دورہٴ روس کوں وقتی سانجھے طور تے مناسب تاریخ تے ول شیڈول کرݨ تے ڳالھ مہاڑ کیتی ۔ نائب وزیراعظم وزیرِ خارجہ سرگئی لاروف کوں دورہٴ پاکستان دی دعوت وی ݙتی اے۔ ݙوہیں فریقین رابطے اچ رہݨ تے وی اتفاق کیتے۔
