مریم نواز دا اڄوکےعالمی بحران اچ کامیاب سفارتکاری تے وزیراعظم شہباز شریف، اسحاق ڈار تے فیلڈ مارشل کوں خراجِ تحسین

لاہور۔ 24 اپریل (اے پی پی) وزیراعلیٰ پنجاب مریم نواز امن کیتے کثیرالجہتی تے سفارتکاری دے عالمی ݙینھ تے اپݨے خصوصی پیغام اچ اڄوکی عالمی بحران اچ کامیاب سفارتکاری تے وزیراعظم پاکستان محمد شہباز شریف، نائب وزیراعظم اسحاق ڈار تے فیلڈ مارشل سید عاصم منیر کوں خراجِ تحسین پیش کیتے۔وزیراعلیٰ عالمی امن کیتے پاکستانی سفارتکاراں دی محنت تے کردار دی تعریف کیتی تے آکھیےجوپاکستان دی کامیاب سفارتکاری پاروں ممکنہ عالمی جنگ رکوا تے کروڑاں انسانی زندگیاں کوں بچایا ڳئے۔ پاکستان اڄوکے حالات اچ سفارتکاری دے ذریعے ہک نویں امید کوں جنم ݙتے۔ وزیراعلیٰ مریم نواز آکھیے جو معاملات تے جھیڑیں دا حل سفارتکاری اے۔ پاکستان دا اے موقف پوری دنیا تسلیم کیتے ۔ سفارتکاری نال ہی پوری دنیا اچ امن، تجارت تے سیاحت کوں ودھارا ݙتا ونڃ سڳدے۔ مسئلہ کشمیر دا حل وی مثبت سفارتکاری دے ذریعے ہی ممکن اے۔وزیراعلیٰ آکھیے جو سفارتکاری دے ذریعے موسمیاتی تبدیلی، غربت تے جھیڑیں دے حل سانڳے اجتماعی کوشِش عملی شکل اختیار کر سڳدی اے۔ اڄوکے عالمی بحران اچ کامیاب سفارتکاری پاکستان کوں ہک ذمہ وار عالمی ریاست دے طور تے ٻیا وی تکڑا کیتے۔ وزیراعلیٰ مریم نواز آکھیے جو سفارتکاری جھیڑیں کوں حل کرݨ تے قوماں وچال تعاون ودھاوݨ دے عزم دا ناں اے۔ سفارتکاری، مکالمے تے افہام و تفہیم نال اوکھے مسئلیں دا حل وی ممکن تھی سڳدے۔