اسلام آباد۔ 26 اپریل (اے پی پی) وزیرِاعظم محمد شہباز شریف وائٹ ہاؤس اچ فائرنگ دے واقعے تے ݙکھ تے امریکی صدر ڈونلڈ ٹرمپ سانڳے نیک خواہشات دا اظہار کیتے۔ ایکس (ٹویٹر) تے اپݨے پیغام اچ وزیرِ اعظم آکھیے جو انھاں کوں واشنگٹن ڈی سی اچ کجھ دیر پہلے وائٹ ہاؤس کاریسپانڈنٹس ایسوسی ایشن ڈنر دے دوران پیش آوݨ آلے فائرنگ دے افسوسناک واقعے تے ٻہوں ݙکھ تھئے۔ انھاں اطمینان …
وزیراعظم شہباز شریف دا وائٹ ہاؤس اچ فائرنگ دے واقعے تے صدر ٹرمپ سانڳے نیک خواہشات دا اظہار
اسلام آباد۔ 26 اپریل (اے پی پی) وزیرِاعظم محمد شہباز شریف وائٹ ہاؤس اچ فائرنگ دے واقعے تے ݙکھ تے امریکی صدر ڈونلڈ ٹرمپ سانڳے نیک خواہشات دا اظہار کیتے۔ ایکس (ٹویٹر) تے اپݨے پیغام اچ وزیرِ اعظم آکھیے جو انھاں کوں واشنگٹن ڈی سی اچ کجھ دیر پہلے وائٹ ہاؤس کاریسپانڈنٹس ایسوسی ایشن ڈنر دے دوران پیش آوݨ آلے فائرنگ دے افسوسناک واقعے تے ٻہوں ݙکھ تھئے۔ انھاں اطمینان دا اظہار کیتے جو صدر ٹرمپ، خاتونِ اول تے ٻئے شرکاء واقعے اچ محفوظ رہین۔ وزیراعظم صدر ٹرمپ کیتے نیک خواہشات دا اظہار کریندے انھاں دی سلامتی کیتے دعا کیتی اے۔ واضح رہے جو اطلاعات موجب گزریل رات وائٹ ہاؤس کاریسپانڈنٹس ایسوسی ایشن ڈنر دے دوران فائرنگ دا واقعہ پیش آیا ہئی جیندے اچ صدر ٹرمپ سودھے سارے شرکاء محفوظ رہین جݙاں جو ہک مشتبہ شخص کوں گرفتار کر ڳھدا ڳئے۔
